ଉନ୍ନାଓ ପୀଡ଼ିତାଙ୍କ ପିତାଙ୍କୁ ହତ୍ୟା ମାମଲାରେ ସେଙ୍ଗରଙ୍କୁ ୧୦ ବର୍ଷ ଜେଲ୍
ଉନ୍ନାଓ ବଳାତ୍କାର ମାମଲାରେ ଦୋଷୀ ସାବ୍ୟସ୍ତ ହୋଇଥିବା ପୂର୍ବତନ ବିଜେପି ବିଧାୟକ କୁଲଦୀପ ସେଙ୍ଗରଙ୍କୁ ଶୁକ୍ରବାର ୧୦ ବର୍ଷ ଜେଲ ଦଣ୍ଡାଦେଶ ହୋଇଛି। ଉନ୍ନାଓ ବଳାତ୍କାର ପୀଡ଼ିତାଙ୍କ ପିତାଙ୍କ ମୃତ୍ୟୁରେ ତାଙ୍କର ସମ୍ପୃକ୍ତି ପାଇଁ ୧୦ ବର୍ଷ ଜେଲ ଦଣ୍ଡ |
ବହିଷ୍କୃତ ବିଧାୟକଙ୍କ ସହିତ ତାଙ୍କ ଭାଇଙ୍କ ସମେତ ଅନ୍ୟ ୬ ଜଣ ଏବଂ ୨ଜଣ ପୋଲିସ କର୍ମଚାରୀଙ୍କୁ ମଧ୍ୟ ୧୦ ବର୍ଷ ଜେଲଦଣ୍ଡ ଶୁଣାଇଛନ୍ତି ମାନ୍ୟବର କୋର୍ଟ । ଏହାପୂର୍ବରୁ ଦିଲ୍ଲୀର ତିସ୍ ହାଜାରି କୋର୍ଟ ନାବାଳିକାଙ୍କୁ ଦୁଷ୍କର୍ମ ମାମଲାରେ ପୋକସୋ ଆକ୍ଟ ଅନୁଯାୟୀ ଡିସେମ୍ୱର ୧୬ ତାରିଖରେ ଆଜୀବନ କାରାଦଣ୍ଡ ଶୁଣାଇଥିଲେ । ସେଙ୍ଗର ୟୁପିର ବଙ୍ଗରମାଉରୁ ୪ଥର ବିଧାୟକଭାବେ ନିର୍ବାଚିତ ହୋଇଥିଲା ଘଟଣାରେ ସମ୍ପୃକ୍ତି ଅଭିଯୋଗ ପରେ ସେଙ୍ଗରଙ୍କୁ ଅଗଷ୍ଟ ୨୦୧୯ରେ ଦଳରୁ ବହିଷ୍କାର କରାଯାଇଥିଲା।
ଉନ୍ନାଓ ବଳାତ୍କାର ମାମଲା
ଜୁନ୍ ୪ରେ ୨୦୧୭ ରେ ୧୭ ବର୍ଷର ନାବାଳିକା ଜଣଙ୍କ ବିଜେପି ବିଧାୟକ କୁଲଦୀପ ସିଂ ସେଙ୍ଗରଙ୍କ ଦ୍ୱାରା ବଳାତ୍କାରର ଶିକାର ହୋଇଥିଲେ । ଏପ୍ରିଲ ୨୦୧୮ରେ ଅଭିଯୋଗ କରିବା ପରେ ପୀଡ଼ିତା ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କ ବାସଭବନ ସମ୍ମୁଖରେ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ। ଅପରପକ୍ଷରେ ସେଙ୍ଗରଙ୍କ ଭାଇ ଅତୁଲ ସିଂ ସେଙ୍ଗରଙ୍କ ତାଙ୍କ ପିତାଙ୍କୁ ଆକ୍ରମଣ କରିଥିବା ପୀଡିତାଙ୍କ ପିତା ଭିଡିଓ ସାକ୍ଷ୍ୟରେ କହିଥିଲେ।
ଏପ୍ରିଲ୍ ୨୦୧୮ରେ, ଉନ୍ନାଓ ବଳାତ୍କାର ଅଭିଯୁକ୍ତ ବିଜେପି ବିଧାୟକ କୁଲଦୀପ ସିଂ ସେଙ୍ଗରଙ୍କ ବିରୋଧରେ ଧାରା ୩୬୩, ୩୬୬, ୩୭୬, ୫୦୬ ଏବଂ ଭାରତୀୟ ଦଣ୍ଡବିଧି ଆଇନର ପୋକସୋ ଆକ୍ଟ ଅନୁଯାୟୀ ଏକ ମାମଲା ରୁଜୁ କରାଯାଇ ତାଙ୍କୁ ଜେଲ ପଠାଯାଇଥିଲା।
