ଭାରତୀୟ ସେନାରୁ ଅବସର ନେଲା ପରେ ଏବେ ଚାଷୀ ପାଲଟିଛନ୍ତି ଭଦ୍ରକର ରତିକାନ୍ତ

ସଫଳ ଚାଷୀ ହେଲେ ସେନା କର୍ମଚାରୀ । ଭାରତୀୟ ସେନାରୁ ଅବସର ପରେ ଚାଷ ପ୍ରତି ଆକୃଷ୍ଟ ହୋଇଛନ୍ତି । ଭଦ୍ରକ ଜିଲ୍ଲା ବାସୁଦେବପୁର ଅଞ୍ଚଳର ରତିକାନ୍ତ ମୁଦୁଲି ପ୍ରାୟ ତିନି ଏକର ଜମିରେ ବିଭିନ୍ନ ପନିପରିବା ଚାଷ କରି କ୍ଷେତକୁ ସବୁଜମୟ କରିଛନ୍ତି । ନିଜେ ଦୁଇ ପଇସା ରୋଜଗାର କରିବା ସହ ଅନ୍ୟମାନଙ୍କୁ ଆତ୍ମନିର୍ଭର ହେବାର ରାସ୍ତା ଦେଖାଇଛନ୍ତି ।

ଧାଡିକି ଧାଡି ଲାଗିଛି ଗଛ । ସବୁଜିମାରେ ଭରିଯାଇଛି କ୍ଷେତ । ଫୁଲଫଳରେ ଭାଙ୍ଗି ପଡୁଛି ଡାଳ । ଫୁଲକୋବି, ବନ୍ଧାକୋବି, ବିଲାତି, କ୍ୟାପ୍ସିକମ୍ ଆଦି ଭଳି କି ଭଳି ପରିବା ଲାଗିଛି । ସେନା କର୍ମଚାରୀ ଭାବେ ଚାକିରିରୁ ଆବସର ପରେ କ୍ଷେତରେ ସୁନା ଫଳାଇଛନ୍ତି ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ସୁଦର୍ଶନପୁର ପଞ୍ଚାୟତର ରତିକାନ୍ତ ମୁଦୁଲି । ଆଧୁନିକ ପ୍ରଣାଳୀ ଚାଷ କରି ନିଜର ଆବଶ୍ୟକତା ପୂରଣ କରିବା ସହିତ ଅନ୍ୟମାନଙ୍କୁ ରୋଜଗାର ଯୋଗାଇ ଦେଇଛନ୍ତି ।

ତିନି ଏକର ଜମିରେ ପନିପରିବା ଚାଷ କରିଛନ୍ତି ରତିକାନ୍ତ । ଏଥିପାଇଁ ଉଦ୍ୟାନ କୃଷି ବିଭାଗ ରତିକାନ୍ତଙ୍କୁ ସହଯୋଗ କରୁଛି । ବିଭିନ୍ନ ଶଙ୍କର ଜାତୀୟ ପନିପରିବା ପାଇଁ ବିହନ ଯୋଗାଇ ଦେଇଛନ୍ତି । ଏହାସହ ଆମ୍ବ ବଗିଚା ପାଇଁ ମଧ୍ୟ ଚାରା ଦିଆଯାଇଥିବା କହିଛନ୍ତି ଉଦ୍ୟାନ ବିଭାଗର ଅଧିକାରୀ । ସେପଟେ ଚାଷ ପାଇଁ ପରିବାର ଲୋକ ରତିକାନ୍ତଙ୍କୁ ସହଯୋଗ କରୁଥିବା ବେଳେ ବର୍ଷକୁ ୪ଲକ୍ଷ ଟଙ୍କା ପର୍ଯ୍ୟନ୍ତ ଲାଭ କରୁଛନ୍ତି ।

ଏଥିସହିତ ପଢ଼ନ୍ତୁ: ୟୁକ୍ରେନରେ ଫସିଥିବା ଓଡ଼ିଆଙ୍କ ପାଇଁ ନବୀନଙ୍କ ବଡ଼ ପଦକ୍ଷେପ

Leave a Reply