ଭୁବନେଶ୍ବର : ଭୁବନେଶ୍ବର ନୟାପଲ୍ଲୀ ଅଞ୍ଚଳରୁ ପୂର୍ବତନ ସେନା ଅଧିକାରୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତକ ହେଲେ ଖୋର୍ଦ୍ଧା ବାଣପୁର ଅଞ୍ଚଳର ଅନୀଲ ଛୋଟରାୟ । ଗତକାଲି ସନ୍ଧ୍ଯାରେ ପୋଲିସ ମୃତଦେହ ଉଦ୍ଧାର କରିଛି । ଅନୀଲ ସ୍ତ୍ରୀ ଓ ପିଲାଙ୍କ ସହ ନୟାପଲ୍ଲୀ ନୂଆସାହିରେ ରହୁଥିଲେ । ଘରେ କେହି ନଥିବାବେଳେ ଗତକାଲି ପୋଲିସ କବାଟ ଭାଙ୍ଗି ଝୁଲନ୍ତା ମୃତଦେହ ଉଦ୍ଧାର କରିଛି । ଅନୀଲଙ୍କୁ ହତ୍ଯା କରାଯାଇଥିବା ଅଭିଯୋଗ କରିଛନ୍ତି ତାଙ୍କ ମାଆ ଓ ଭାଇ । ସାଇଣ୍ଟିଫିକ ଟିମ୍ ସହାୟତାରେ ପୋଲିସ ତଦନ୍ତ ଜାରି ରଖିଛି ।
1 min read
