ପୂର୍ବତନ ସେନା କର୍ମଚାରୀଙ୍କ ଗୁଳିରେ ଜଣେ ଗୁରୁତର

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲା ବେଗୁନିଆରେ ଗୁଳିକାଣ୍ଡ ଘଟିଛି । ପୂର୍ବତନ ସେନା କର୍ମଚାରୀ ପ୍ରସନ୍ନ ନାୟକଙ୍କ ଗୁଳିମାଡ଼ରେ ଜଣେ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ବିଭୂତି ଭୂଷଣ ଜେନାଙ୍କୁ ପ୍ରଥମେ ଖୋର୍ଦ୍ଧା ହସ୍ପିଟାଲ ପରେ ଭୁବନେଶ୍ୱର ଏମ୍ସ ସ୍ଥାନାନ୍ତର କରାଯାଇଛି । ବିଭୂତିଙ୍କ ତଳି ପେଟରେ ଗୋଟିଏ ଗୁଳି ବାଜିଥିବା ଜଣାପଡ଼ିଛି ।

ତେବେ ପ୍ରସନ୍ନ କାହିଁକି ଗୁଳିମାଡ଼଼ କଲେ ତାର କାରଣ ଅସ୍ପଷ୍ଟ ରହିଛି । ପାରିବାରିକ ଗଣ୍ଡଗୋଳ ଯୋଗୁ ଗୁଳିମାଡ଼ ହୋଇଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡ଼ିଛି । ଖୋର୍ଦ୍ଧା ଏସପି ରାଜ କିଶୋର ଦୋରା ମେଡିକାଲରେ ଗୁରୁତରଙ୍କୁ ଭେଟିଛନ୍ତି । ଗୁଳିମାଡ଼ କରି ଫେରାର୍ ହୋଇ ଯାଇଥିବା ପ୍ରସନ୍ନଙ୍କୁ ବନ୍ଧୁକ ଏବଂ ଦୁଇ ରାଉଣ୍ଡ ଗୁଳି ସହ ପୋଲିସ ଧରିଛି ।