ଦୁର୍ଘଟଣା ପରେ ବି ଚେତୁନି ରେଳ ବିଭାଗ, ହାଓ୍ବାଡା-ସମ୍ବଲପୁର ଟ୍ରେନ୍ ଟ୍ରାକରେ ପୁଣି ଖାମଖିଆଲି ମନୋଭାବ

ସମ୍ବଲପୁର: ହଜାର ହଜାର ଯାତ୍ରୀଙ୍କୁ ନେଇ ଯାଉଥିବା ଟ୍ରେନ୍ କେତେ ସୁରକ୍ଷିତ । ଆପଣଙ୍କ ମନରେ ଏ ପ୍ରଶ୍ନ ଆସିବା ସ୍ବାଭାବିକ ଅଟେ । କାରଣ ନିକଟରେ ବାହାନଗାରେ କରମଣ୍ଡଳ ଏକ୍ସପ୍ରେସ ଦୁର୍ଘଟଣା ସମସ୍ତଙ୍କୁ ବିଚଳିତ ଓ ଚିକିତ କରିଥିଲା । ଏହାରି ଭିତରେ ରେଳ ବିଭାଗର ଆଉ ଏକ ଖାମଖିଆଲି ମନୋଭାବ ଦେଖିବାକୁ ମିଳିଛି ସମ୍ବଲପୁରରେ । ହାଓ୍ବଡାରୁ ସମ୍ବଲପୁରକୁ ସଂଯୋଗ କରୁଥିବା ଏହି ରେଳ ଲାଇନ କେତେ ଲୋକଙ୍କ ପାଇଁ ସୁରକ୍ଷିତ । ଟ୍ରେନ ଟ୍ରାକରେ ଲାଗିଥିବା ସ୍ଲିପର ସମ୍ପୂର୍ଣ୍ଣ ଭାବେ ଛିଣ୍ଡିଗଲାଣି । ଏହି ଟ୍ରାକରେ ପ୍ରତିଦିନ ଯାଆସ କରୁଥିବା ଟ୍ରାକମ୍ୟାନଙ୍କ ଏହା ଉପରେ କେମିତି ନଜର ପଡ଼ୁନି ତାକୁ ନେଇ ପ୍ରଶ୍ନ । ସବୁଠାରୁ ବଡକଥା ହେଲା ଏହି ସ୍ଥାନରେ ରେଳ ଲାଇନର ଜଏଣ୍ଟ ଅଛି ହେଲେ, କିଭଳି ଭଙ୍ଗା ସ୍ଲିପରକୁ ରବର ଦେଇ ଆଡଜଷ୍ଟ କରାଯାଇଛି ତାକୁ ନେଇ ଆଶ୍ଚର୍ଯ୍ୟ ହୋଇଛନ୍ତି ସମସ୍ତେ ।