ଉଦଘାଟନର ୬ମାସ ପରେ ବି କାର୍ଯ୍ଯକ୍ଷମ ହୋଇପାରୁନି ବସଷ୍ଟାଣ୍ଡ

ଭଦ୍ରକ: ଉଦଘାଟନର ୬ମାସ ପରେ ବି କାର୍ଯ୍ଯକ୍ଷମ ହୋଇପାରୁନି ବସଷ୍ଟାଣ୍ଡ। ଚାନ୍ଦବାଲିରେ ବହୁ ପ୍ରତିକ୍ଷୀତ ବସଷ୍ଟାଣ୍ଡ ଉଦଘାଟନକୁ ୬ମାସ ବିତିଯାଇଥିଲେ ବି ଏପର୍ଯ୍ଯନ୍ତ କାର୍ଯ୍ଯକ୍ଷମ ହୋଇପାରୁନଥିବା ନେଇ ଅଭିଯୋଗ ହୋଇଛି । ୨୦୧୫ ମସିହାରେ ପ୍ରାୟ ଚାରି କୋଟି ଟଙ୍କାରୁ ଅଧିକ ବ୍ଯୟ ଅଟକଳରେ ବସଷ୍ଟାଣ୍ଡଟି ଆରମ୍ଭ ହୋଇ ଅର୍ଦ୍ଧନିର୍ମିତ ହୋଇ ପଡିରହିଥିଲା । ପରେ ରାଜ୍ଯ ସରକାର ମୋ ବସଷ୍ଟାଣ୍ଡ ଯୋଜନାରେ ୨ ଦଶମିକ ୫୬ କୋଟି ଅନୁଦାନ ପ୍ରଦାନ କରିବା ପରେ କାର୍ଯ୍ଯ ଶେଷ ହୋଇଥିଲା।

ବସଷ୍ଟାଣ୍ଡଟି ଚଳିତ ବର୍ଷ ମାର୍ଚ୍ଚ ମାସରେ ଉଦଘାଟନ ହୋଇଥିଲେ ସୁଦ୍ଧା ଏପର୍ଯ୍ଯନ୍ତ କାର୍ଯ୍ଯକ୍ଷମ ହୋଇ ନପାରି ଗେଟରେ ତାଲା ପଡି ରହିଛି । ବସଷ୍ଟାଣ୍ଡ କାର୍ଯ୍ୟକ୍ଷମ ନ ହେବା ଦ୍ଵାରା ବସ ଗୁଡିକ ମୁଖ୍ୟ ରାସ୍ତାରେ ଅଟକି ରହୁଛି ଫଳରେ ଟ୍ରାଫିକ ସମାସ୍ୟା ସୃଷ୍ଟି ହେଉଛି। ଛୋଟ ବଡ଼ ଦୁର୍ଘଟଣା ମଧ୍ୟ ଘଟୁଛି। ଯାହାକୁ ନେଇ ଲୋକେ ଅସନ୍ତୋଷ ପ୍ରକାଶ କରିଛନ୍ତି । ଯଥାଶୀଘ୍ର ବସଷ୍ଟାଣ୍ଡଟି କାର୍ଯ୍ୟକ୍ଷମ କରିବାପାଇଁ ସାଧାରଣରେ ଦାବି ହୋଇଛି ।

Even after 6 months of opening,