ଅନ୍ୟର ଜମିକୁ ନିଜର କହି ବିକୁଥିଲେ, କାବୁ କଲା EOW

ଭୁବନେଶ୍ୱର: ଅନ୍ୟର ଜମିକୁ ନିଜର କହି ବିକୁଥିବା ଠକ ରାକେଟକୁ କାବୁ କରିଛି EOW । ଜାଲ୍ କାଗଜପତ୍ର ଠାରୁ ଆରମ୍ଭ କରି ଜମି ବାବଦରେ ସୂଚନା ଦେବା ପାଇଁ ଭଡାଟିଆ ଲୋକଙ୍କୁ ଯୋଗାଡ କରି ଗ୍ରାହକ ଫସାଇ କିଣୁଥିଲେ ଜମି । ଅଭିଯୋଗକୁ ଆଧାର କରି EOW ତଦନ୍ତ ପରେ ୩ ଜଣିଆ ଗ୍ୟାଙ୍ଗ ଧରା ପଡିଛି । ଅଭିଯୁକ୍ତମାନେ ହେଉଛନ୍ତି ହଳଧର ଦାସ, ସୁବୋଧ ପରିଡ଼ା ଓ ଲିପିକା ଦାସ ।

ସବୁଠାରୁ ବଡକଥା ହେଉଛି ମୁଖ୍ୟ ଅଭିଯୁକ୍ତ ହଳଧର ବିଏମସିର ଜଣେ ଅବସରପ୍ରାପ୍ତ କର୍ମଚାରୀ । ନିଜର ଚାକିରୀ ସମୟର ଲିଙ୍କକୁ ବ୍ୟବହାର କରି ଏପରି କରିଥିବା ସନ୍ଦେହ କରୁଛି EOW । ଏନେଇ ଅଧିକ ତଦନ୍ତ ଜାରି ରହିଛି । ଏମାନଙ୍କ ସହ ଆଉ କିଏ ସଂପୃକ୍ତ ଅଛନ୍ତି ଓ ଅନ୍ୟ କେଉଁ ଅପରାଧିକ କାର୍ଯ୍ୟକଳାପରେ ଏମାନଙ୍କ ସମ୍ପୃକ୍ତି ରହିଛି ସେନେଇ ଏବେ EOW ଛାନବିନ କରୁଛି ।