ପୁରୀ ଉପକୂଳରେ ବିରଳ ପ୍ରଜାତିର କଇଁଛ ମଡ଼କ: ଚରମ ଅବହେଳା ନେଇ ପ୍ରଶ୍ନ ଉଠାଇଲେ ପରିବେଶବିତ୍

ପୁରୀ: ପୁରୀ ଉପକୂଳରେ ବିରଳ ପ୍ରଜାତିର କଇଁଛ ମଡକ । ପୁରୀ ବେଳାଭୂମିରେ ଅନେକ ସ୍ଥାନରେ କଇଁଛ ମରି ପଡିଥିବାର ଦେଖିବାକୁ ମିଳିଛି । ପ୍ରାୟ ସବୁ କଇଁଛଙ୍କ ଠାରେ କ୍ଷତ ଚିହ୍ନ ରହିଛି । କଇଁଛ ମାନଙ୍କ ଶବ ବ୍ୟବଚ୍ଛେଦ ନକରି ମୃତ ଶରୀରକୁ ଲୁଚାଇ ଦିଆଯାଉଥିବା ଅଭିଯୋଗ ହୋଇଛି । ସୂଦୁର ପ୍ରଶାନ୍ତ ମହାସାଗରରୁ ମିଳନ ଓ ଅଣ୍ଡାଦାନ ପାଇଁ ଭାରତ ମହାସାଗରକୁ ପ୍ରତିବର୍ଷ ବହୁ ସଂଖ୍ୟାରେ ଅଲିଭ ରିଡଲେ କଇଁଛମାନେ ଆସିଥାନ୍ତି । ତେବେ ଏକାସାଥିରେ ଏତେ ଗୁଡାଏ କଇଁଛଙ୍କ ମୃତ୍ୟୁ ହେଲା କିପରି ତାହାର କାରଣ ସ୍ପଷ୍ଟ ହୋଇନାହିଁ । ଅତ୍ୟଧିକ ଯାତ୍ରା, ଟ୍ରଲର ମାଡ଼ କିମ୍ବା ଜଳବାୟୁର ପରିବର୍ତ୍ତନ ଯୋଗୁଁ ଏମାନଙ୍କ ମୃତ୍ୟୁ ହୋଇଥିବା ସନ୍ଦେହ କରାଯାଉଛି । ଏଭଳି ଚରମ ଅବହେଳାକୁ ସହଜରେ ଗ୍ରହଣ କରିପାରିନାହାନ୍ତି ପର୍ଯ୍ୟଟକ ଓ ପରିବେଶବିତ୍ ।ସେପଟେ ଏନେଇ ଡ଼ିଏଫଓ ଫୋନ ଯୋଗେ ନିଜର ପ୍ରତିକ୍ରିୟା ରଖିଛନ୍ତି ।