ଟି ୨୦ବିଶ୍ବକପ: ଟସ୍ ଜିତି ଇଂଲଣ୍ଡର ଫିଲ୍ଡିଂ ନିଷ୍ପତ୍ତି, ଫାଇନାଲ ଟିକେଟ ପାଇଁ ଲଢେଇ
1 min read
ସିଡନୀ: ଆଡିଲେଡରେ ଆଜି ମହା ମୁକାବିଲା । ଟି-୨୦ ବିଶ୍ବକପର ଦ୍ବିତୀୟ ସେମି ଫାଇନାଲରେ ମୁହାଁମୁହିଁ ହେବେ ଭାରତ ଓ ଇଂଲଣ୍ଡ । ଭାରତୀୟ ସମୟ ୧ଟା୩୦ରେ ଖେଳାଯିବ ମ୍ୟାଚ । ୧୯୮୭ କ୍ରିକେଟ୍ ପର ଠାରୁ ଉଭୟ ଦଳ ପ୍ରଥମ ଥର ପାଇଁ ପରସ୍ପର ବିରୁଦ୍ଧରେ ବିଶ୍ବକପ ସେମିଫାଇନାଲରେ ମୁହାଁମୁହିଁ ହେବେ । ତେବେ ଟି -20 ବିଶ୍ୱକପ ଇତିହାସରେ ଉଭୟ ଭାରତ ଏବଂ ଇଂଲଣ୍ଡ 2007 ଏବଂ 2012ରେ ଦୁଇଥର ପରସ୍ପରକୁ ଭେଟିଥିବା ବେଳେ ଦୁଇଟିଯାକ ମ୍ୟାଚରେ ଭାରତ ବିଜୟୀ ହୋଇଛି ।
2007ରେ ଭାରତ ଟ୍ରଫି ଜିତିଥିବା ବେଳେ, 2010 ରେ ଇଂଲଣ୍ଡ ବିଜୟୀ ହୋଇଥିବାରୁ ଉଭୟ ଦଳ ଇତିହାସରେ ଦ୍ବିତୀୟ ଟାଇଟଲ୍ ଜିତିବାକୁ ଚେଷ୍ଟା କରିବେ । ଏହି ଦୁହିଁଙ୍କ ଭିତରେ ଯିଏ ବିଜୟୀ ହେବ ପାକିସ୍ତାନ ସହ ହେବ ଫାଇନାଲ ଟକ୍କର । ଭାରତ ଦୁଇଥର ଫାଇନାଲରେ ପ୍ରବେଶ କରିଥିବା ବେଳେ ଗୋଟିଏରେ ବିଜୟ, ଅନ୍ୟଟିରେ ପରାସ୍ତ ହୋଇଛି । ଇଂଲଣ୍ଡ ମଧ୍ୟ ଥରେ ଫାଇନାଲରେ ପ୍ରବେଶ କରିଥିଲେ ମଧ୍ୟ ଟାଇଟଲ ହାତେଇବାରେ ବିଫଳ ହୋଇଛି ।
2014 ରେ ଶ୍ରୀଲଙ୍କା ଫାଇନାଲରେ ଭାରତକୁ ପରାସ୍ତ କରିଥିବାବେଳେ 2016 ରେ ଇଂଲଣ୍ଡ ୱେଷ୍ଟଇଣ୍ଡିଜ ଠାରୁ ହାରିଥିଲା । ତେଣୁ ଏହି ମ୍ୟାଚ ଜିତି ଉଭୟ ଦଳ ତୃତୀୟ ଥର ପାଇଁ ଫାଇନାଲରେ ପ୍ରବେଶ କରିବାକୁ ଚେଷ୍ଟା କରିବେ ।
