ତୃତୀୟ ଟି-ଟ୍ୱେଣ୍ଟିକୁ ୮ ୱିକେଟରେ ଜିତିନେଲା ଇଂଲଣ୍ଡ
1 min read
ଅହମଦାବାଦ: ଭାରତ-ଇଂଲଣ୍ଡ ମଧ୍ୟରେ ଚାଲିଥିବା ୫ ଟିକିଆ ଟି-ଟ୍ୱେଣ୍ଟି ସିରିଜରେ ଭ୍ରମଣକାରୀ ଦଳର ଲଢ଼ୁଆ ପ୍ରଦର୍ଶନ ଜାରି ରହିଛି । ଅହମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳା ଯାଇଥିବା ତୃତୀୟ ଟି-ଟ୍ୱେଣ୍ଟିକୁ ୮ ୱିକେଟରେ ଜିତି ନେଇଛି ଇଂଲଣ୍ଡ । ଏଥିସହ ଭ୍ରମଣକାରୀ ଦଳ ୫ ଟିକିଆ ସିରିଜରେ ୨-୧ରେ ଆଗୁଆ ରହିଛି ।
ଇଂଲଣ୍ଡ ଟସ୍ ଜିତି ଭାରତକୁ ବ୍ୟାଟିଂ ଲାଗି ଆମନ୍ତ୍ରଣ କରିଥିଲା । ନିର୍ଦ୍ଧାରିତ ୨୦ ଓଭରରେ ଅଧିନାୟକ କୋହଲିଙ୍କ ଅପରାଜିତ ୭୭ ରନ୍ ବଳରେ ଭାରତ ୬ ୱିକେଟ୍ ହରାଇ ଭାରତ ୧୫୬ ରନ୍ କରିଥିଲା । ୧୫୭ ରନର ପିଛା କରୁଥିବା ଭ୍ରମଣକାରୀ ଦଳ ୧୮.୨ ବଲରେ ୨ ୱିକେଟ୍ ହରାଇ ମ୍ୟାଚକୁ ୮ ୱିକେଟରେ ଜିତି ନେଇଛି ।
ଭ୍ରମଣକାରୀ ଇଂଲଣ୍ଡ ପକ୍ଷରୁ ୱିକେଟ୍ କିପର ଜସ୍ ବଟଲର ଅପରାଜିତ ୮୩ ରନ୍ କରିଥିବା ବେଳେ ଜନି ବେୟାରଷ୍ଟୋ ଅପରାଜିତ ୪୦ ରନ୍ କରିଛନ୍ତି । ଇଂଲଣ୍ଡର ମାର୍କ ଉଡ୍ ୩ଟି ୱିକେଟ୍ ନେଇଥିବା ବେଳେ କ୍ରିସ୍ ଜୋର୍ଦ୍ଦାନ ୨ଟି ୱିକେଟ୍ ନେଇଥିଲେ । ଏବେ ଉଭୟ ଦଳର ନଜର ଚତୁର୍ଥ ଟି-ଟ୍ୱେଣ୍ଟି ଉପରେ । କାରଣ ଇଂଲଣ୍ଡ ଚତୁର୍ଥ ମ୍ୟାଚ୍ ଜିତିଲେ ସିରିଜ୍ ହାତେଇ ନେବ । ଏବଂ ଭାରତ ଆଗାମୀ ୨ଟି ମ୍ୟାଚ୍ ଜିତିଲେ ସିରିଜକୁ ନିଜ କବଜାକୁ ଆଣିବ ।
