ଟସ୍ ଜିତି ଇଂଲଣ୍ଡର ବ୍ୟାଟିଂ ନିଷ୍ପତ୍ତି, ସମ୍ମାନ ପାଇଁ ତୃତୀୟ ଟି-୨୦ ଖେଳୁଛି ଘରୋଇ ଦଳ
1 min read
ନଟିଂଘମ: ଭାରତ ଓ ଇଂଲଣ୍ଡ ମଧ୍ୟରେ ଆଜି ତୃତୀୟ ତଥା ଅନ୍ତିମ ଟି-୨୦ ମ୍ୟାଚ ଖେଳାଯାଉଛି । ଟ୍ରେଣ୍ଟ ବ୍ରିଜ ଷ୍ଟାଡିୟମଠାରେ ଏହି ମ୍ୟାଚ ଆରମ୍ଭ ହୋଇଛି । ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛି ଘରୋଇ ଇଂଲଣ୍ଡ ଦଳ । ସେହିପରି ବୋଲିଂ ପାଇଁ ପ୍ରସ୍ତୁତି କରିଛି ଭାରତୀୟ ଦଳ । ଗତ ଦୁଇଟି ମ୍ୟାଚରେ ଶୋଚନୀୟ ପରାଜୟ ସହ ସିରିଜ୍ ହାତଛଡା କରିଥିଲା । ଆଜି ସମ୍ମାନ ପାଇଁ ଖେଳୁଛି । ସେହିପରି ଭାରତ ୨-୦ରେ ସିରିଜ ଜିତି ସାରିଛି । ଆଜିର ମ୍ୟାଚରେ କିଛି ଯୁବ ଚେହାରାଙ୍କୁ ସ୍ଥାନ ଦେଇଛି । ଲଗାତାର ଫ୍ଲପ ହେଉଥିବା କୋହଲି ଆଜି ମଧ୍ୟ ଖେଳୁଛନ୍ତି । ତେବେ ଆଜିର ମ୍ୟାଚରେ ସମସ୍ତଙ୍କ ନଜର କୋହଲିଙ୍କ ପ୍ରଦର୍ଶନ ଉପରେ ରହିବ । କାରଣ ଆଶଙ୍କା କରାଯାଉଛି କୋହଲିଙ୍କୁ କିଛି ଦିନ ପାଇଁ ବିସିସିଆଇ ଟିମରୁ ବାଦ୍ ଦେଇପାରେ । ତେବେ ଆଜି ମ୍ୟାଚରେ ଅଧିନାୟକ ରୋହିତ ଶର୍ମା ଗତ ମ୍ୟଚ ଭଳି ସ୍କ୍ୱାଡରେ ପରିବର୍ତ୍ତନ କରିଛନ୍ତି । ହାର୍ଦିକ ପାଣ୍ଡ୍ୟା, ଭୁବନେଶ୍ୱର କୁମାର, ଜଶପ୍ରୀତ ବୁମରାହ, ଯୁଜବେନ୍ଦ୍ର ଚହଲଙ୍କୁ ବିଶ୍ରାମ ଦିଆଯାଇଛି । ସେମାନଙ୍କ ସ୍ଥାନରେ ଆଜିର ମ୍ୟାଚରେ ଆଭେସ ଖାନ,ଶ୍ରେୟସ ଆୟର, ଉମ୍ରାନ ମଲ୍ଲିକ ଓ ରବି ବିଷ୍ଣୋଇଙ୍କୁ ସ୍ଥାନ ମିଳିଛି ।
ଭାରତୀୟ ଦଳ: ରୋହିତ ଶର୍ମା (ଅଧିନାୟକ), ବିରାଟ କୋହଲି, ସୂର୍ଯ୍ୟକୁମାର ଯାଦବ, ଋଷଭ ପନ୍ତ (ୱିକେଟ କିପର), ଦିନେଶ କାର୍ତ୍ତିକ, ରବୀନ୍ଦ୍ର ଜାଡେଜା, ହର୍ଶଲ ପଟେଲ, ଆଭେସ ଖାନ,ଶ୍ରେୟସ ଆୟର, ଉମ୍ରାନ ମଲ୍ଲିକ ଓ ରବି ବିଷ୍ଣୋଇ ।
ଇଂଲଣ୍ଡ ଦଳ: ଜେସନ ରୟ, ଜୋସ ବଟଲର (ଅଧିନାୟକ/ୱିକେଟକିପର), ଡେୱିଡ ମଲନ, ଲିଆମ ଲିଭିଙ୍ଗଷ୍ଟୋନ, ହାରି ବ୍ରୁକ, ମୋଇନ ଅଲି, ସାମ କୁରାନ, ଡେଭିଡ ୱିଲୀ, କ୍ରୀସ ଜୋର୍ଡାନ, ରିଚାର୍ଡ ଗ୍ଲୀସନ, ରିସ ଟୋପଲେ ।
