ଭାରତକୁ ୨୮ ରନରେ ପରାସ୍ତ କଲା ଇଂଲଣ୍ଡ, ଜାଣନ୍ତୁ ପ୍ରଥମ ଟେଷ୍ଟ ପରାଜୟର କାରଣ

ନନ୍ଦିଘୋଷ ବ୍ୟୁରୋ: ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ଭାରତର ପରାଜୟ । ୫ ମ୍ୟାଚ ବିଶିଷ୍ଟ ଏହି ଟେଷ୍ଟ ସିରିଜରେ ଭାରତ ୧-୦ ରେ ପଛୁଆ ରହିଛି । ହାଇଦ୍ରାବାଦ ରାଜୀବ ଗାନ୍ଧୀ ଷ୍ଟାଡିୟମରେ ଏହି ମ୍ୟାଚ ଅନୁଷ୍ଠିତ ହେଉଥିବାବେଳେ ଭାରତ ୨୮ ରନରେ ପରାସ୍ତ ହୋଇଛି । ଭରତ ଏବଂ ଅଶ୍ବିନୀଙ୍କ ଯୋଡ଼ି ଭାରତକୁ ବିଜୟ ପଥରେ ଅଗ୍ରସର କରୁଥିଲା ମାତ୍ର ଇଂଲଣ୍ଡର ସ୍ପିନ ବାହିନୀ ଆଗରେ ଧରାଶାୟୀ ହୋଇଛନ୍ତି ଭାରତୀୟ ବ୍ୟାଟ୍ସମ୍ୟାନ । ଦ୍ବିତୀୟ ପାଳିରେ ଭାରତ ପକ୍ଷରୁ ରୋହିତ ଶର୍ମା ସର୍ବାଧିକ ୩୯ ରନ କରିବାରେ ସକ୍ଷମ ହୋଇଥିଲେ । କୌଣସି ଜଣେ ମଧ୍ୟ ଖେଳାଳି ବଡ଼ ପାଳି ଖେଳିବାରେ ସକ୍ଷମ ହୋଇନଥିଲେ । ଭାରତ ବ୍ୟାଟିଂ ନୈରାଶ୍ୟଜନକ ହୋଇଥିଲା । ପ୍ରଥମ ପାଳିରେ ଲିଡ ଦେଇଥିବା ଭାରତୀୟ ଦଳ ଶେଷରେ ପରାଜୟ ବରଣ କରିଛି । ଇଂଲଣ୍ଡର ଡେବ୍ୟୁ ବୋଲର ଟମ ହାର୍ଟଲ ୭ ଓ୍ବିକେଟ ଅକ୍ତିଆର କରିଛନ୍ତି । ୨୩୦ ରନର ବିଜୟ ଲକ୍ଷ୍ୟ ରହିଥିବାବେଳେ ଭାରତ ପରାଜୟ ବରଣ କରିଛି ।