ମୋର୍ଗାନଙ୍କ କୋର୍ଡ ୱାଡକୁ ନେଇ ବଢୁଛି ବିବାଦ

କେପ ଟାଉନ: ଦକ୍ଷିଣ ଆଫ୍ରିକାରେ ଚାଲିଥିବା ଇଂଲଣ୍ଡ-ଦକ୍ଷିଣ ଆଫ୍ରିକା ମ୍ୟାଚରେ ପଡିଛି ଯବନିକା । ଚଳିତ ସପ୍ତାହରେ ଚାଲିଥିବା ସିରିଜକୁ ବରାବର କ୍ଲିନ ସ୍ୱିପ କରିଛି ଇଂଲଣ୍ଡ । ସେପଟେ ନିଜ ମାଟିରେ ଧୂଳି ଚାଟିଛି ଘରୋଇ ସାଉଥ ଆଫ୍ରିକା । କିନ୍ତୁ ସବୁ ଭିତରେ ଜୋରଧରିଛି ଏକ ବିରାଟ ବିଭ୍ରାଟ । ଅଭିଯୋଗ ଉଠିଛି ଭ୍ରମଣକାରୀ ଇଂଲଣ୍ଡ ଟିମର କ୍ୟାପଟେନ ଇୟାନ ମୋର୍ଗାନଙ୍କ ବିରୋଧରେ । ସିରିଜର ଅନ୍ତିମ ମ୍ୟାଚ ଚାଲିଥିବା ସମୟରେ ମୋର୍ଗାନଙ୍କୁ ପଠାଯାଇଥିବା ‘କୋର୍ଡ ୱାଡ’କୁ ନେଇ ଏବେ ଉଠୁଛି ପଡୁଛି କ୍ରିକେଟ ଜଗତ ।

ଅନ୍ତିମ ମ୍ୟାଚକୁ ୯ ୱିକେଟରେ ପୋଛି ନେଇଥିଲା ଇଂଲିଶ ଟିମ । କିନ୍ତୁ ମ୍ୟାଚ ଚାଲିଥିବା ସମୟରେ ଡ୍ରେସିଂ ରୁମରେ ବସିଥିଲେ ଅଧିନାୟକ ମାର୍ଗନ । ସେହି ସମୟରେ କୋଡ ୱାର୍ଡରେ କ୍ୟାପଟେନଙ୍କ ପାଖକୁ ଆସିଥିଲା 4Eଏବଂ 2C ଲେଖାଥିବା ମେସେଜ । ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଥିବାବେଳେ ଖୋଦ ଇଂଲଣ୍ଡର ପୂର୍ବତନ ଅଧିନାୟକ ମାଇକେଲ ଭନ ଏହାକୁ ନେଇ ଉଠାଇଛନ୍ତି ପ୍ରଶ୍ନ । ସେ କହିଛନ୍ତି ଖେଳ ସମୟରେ ଏପରି କାର୍ଯ୍ୟ ନିୟମ ବାହାରେ । ତେଣୁ କୋର୍ଡ ୱାଡରେ ଆସିଥିବା ମେସେଜର ତଦନ୍ତ କରାଯାଉ ।

ପଡିଆରେ ମୋର୍ଗାନ ବ୍ୟାଟିଂ କରୁଥିବା ବେଳେ ଫ୍ଲେ-କାର୍ଡ ଜରିଆରେ ଡ୍ରେଂସି ରୁମରୁ ମୋର୍ଗାନଙ୍କୁ ଆଡକୁ ଏକ କୋର୍ଡ ଦେଖାଯାଇଥିଲା । ଯେଉଁଥିରେ 4Eଏବଂ 2C ଲେଖାଯାଇଥିଲା । ଖେଳ ଶେଷ ହେବା ପରେ ୱିକେଟ କିପର ବଟଲର କହିଛନ୍ତି, ଏହି କୋର୍ଡ ୱାର୍ଡ ବିଶେଷ କିଛି ଆମ ଦଳକୁ ଲାଭ ଦେଲାନି । ଏହା ମୋର୍ଗାନ ଏବଂ ନାଥନଙ୍କ ଏକ ନୂଆ ତରିକା । ଖେଳ ନିୟମରେ କୈଣସି ଅବମାନନା କରାଯାଇନାହିଁ । ମୋର୍ଗାନ ବିଶ୍ୱର ଜଣେ ଭଲ କ୍ୟାପଟେନ ତେଣୁ ଅଭିଯୋଗ ଲଗାଇବା ଆବଶ୍ୟକ ନାହିଁ ।