ବର୍ମିଂଘମ: ଭାରତ ଓ ଇଂଲଣ୍ଡ ମଧ୍ୟରେ ଖେଳାଯାଉଥିବା ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଦ୍ବିତୀୟ ମୁକାବିଲା ଜୁଲାଇ ୨ରେ ବର୍ମିଂଘମର ଏଜବେଷ୍ଟନରେ ଖେଳାଯିବ । ଏହି ମୁକାବିଲା ପାଇଁ ଆୟୋଜକ ଇଂଲଣ୍ଡ ତା’ର ଟିମ୍ ଘୋଷଣା କରିଛି । ଜୁନ ୨୬ରେ ଇଂଲଣ୍ଡ ଓ ଓ୍ବେଲସ କ୍ରିକେଟ ବୋର୍ଡ (ଇସିବି) ୧୫ ସଦସ୍ୟ ବିଶିଷ୍ଟ ଟିମ୍ ଘୋଷଣା କରିଛି ।
ଦ୍ବିତୀୟ ଟେଷ୍ଟରେ ମଧ୍ୟ ଇଂଲିଶ ଟିମର ଅଧିନାୟକ ଭାର ବେନ ଷ୍ଟୋକ୍ସଙ୍କ ହାତରେ ନ୍ୟସ୍ତ ରହିବ । ଅନ୍ୟପକ୍ଷରେ ଦ୍ରୁତ ବୋଲର ଜୋଫ୍ରା ଆର୍ଚର ୪ ବର୍ଷ ପରେ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି । ୨୦୨୧ରେ ଭାରତ ଗସ୍ତ ପରେ ଆର୍ଚର ଟେଷ୍ଟ ସେଟ-ଅପରେ ସାମିଲ ହୋଇନଥିଲେ । ସେହିବର୍ଷ ଫେବୃଆରୀରେ ସେ ଅହମ୍ମଦାବାଦରେ ନିଜର ଅନ୍ତିମ ଟେଷ୍ଟ ଖେଳିଥିଲେ ।
ଇଂଲଣ୍ଡ ଟିମ୍: ବେନ ଷ୍ଟୋକ୍ସ (ଅଧିନାୟକ), ଜୋଫ୍ରା ଆର୍ଚର, ଶୋଏବ ବଶୀର, ଜ୍ୟାକବ ବେଥେଲ, ହ୍ୟାରୀ ବ୍ରୁକ, ବ୍ରାୟଡନ କାର୍ସ, ସାମ କୁକ, ଜ୍ୟାକ କ୍ରାଉଲୀ, ବେନ ଡକେଟ, ଜେମୀ ଓବର୍ଟନ, ଓଲୀ ପୋପ, ଜୋ ରୁଟ, ଜେମୀ ସ୍ମିଥ, ଜୋଶ ଟଙ୍ଗ, କ୍ରିସ ଓକ୍ସ ।
