୧୪ ବର୍ଷର ନିସ୍ୱାର୍ଥପର ସେବାରେ ୬୦ ହଜାର ଲୋକ
ଭୁବନେଶ୍ୱର: ଗ୍ରହଣଖଣ୍ଡିଆ ଓ ମୋତିଆବିନ୍ଦୁ ରୋଗୀଙ୍କ ପାଇଁ ଦେବଦୁତ ସାବର୍ଜିଷଛନ୍ତି ଇଂଞ୍ଜିନିୟର ଦିଲ୍ଲିପ ପଟ୍ଟନାୟକ । ଲକ୍ଷାଧିକ ଟଙ୍କାର ଚାକିରି ଛାଡି ସ୍ୱେଚ୍ଛାକୃତ ଭାବେ ରୋଗୀ ସେବା କରୁଛନ୍ତି । ୧୪ ବର୍ଷର ନିସ୍ୱାର୍ଥପର ରୋଗୀ ସେବାରେ ପାଖାପାଖି ୬୦ ହଜାର ରୋଗୀଙ୍କୁ ସେ ନୂଆ ଜୀବନ ଦେଇଛନ୍ତି । ମାନବ ସେବା ହିଁ ମାଧବ ସେବା ବୋଲି ବିଶ୍ୱାସ କରନ୍ତି ଇଞ୍ଜିନିୟର ଦିଲ୍ଲୀପ ପଟ୍ଟନାୟକ ।
ତେଣୁ ଲକ୍ଷେ ଟଙ୍କିଆ ଚାକିରୀ ଛାଡି ସ୍ୱେଚ୍ଛାକୃତ ଭାବେ ଦିଲ୍ଲୀପ ଗରିବ ରୋଗୀଙ୍କ ସେବା କରୁଛନ୍ତି । ଗ୍ରହଣଖଣ୍ଡିଆ ଓ ମୋତିଆବିନ୍ଦୁ ରୋଗୀଙ୍କୁ ଦେଉଛନ୍ତି ଆର୍ଥିକ ସହାୟତା । ଏପରିକି ମହାମାରୀ ସମୟରେ ମନ୍ଦିର ସେବକଙ୍କୁ ସାହାଯ୍ୟ ଓ ଭିକ୍ଷାବୃତି କରୁଥିବା ଭିନ୍ନକ୍ଷମଙ୍କୁ ରାସନ ସାମଗ୍ରୀ ସହ ଯୋଗାଇଛନ୍ତି ବାଦ୍ୟଯନ୍ତ୍ର । ତେବେ ତାଙ୍କର ଏହି ନିସ୍ୱାର୍ଥପର ସେବା ପାଇଁ ତାଙ୍କୁ ସହଯୋଗ କରୁଛନ୍ତି ଜଣେ ଅଭିଜ୍ଞ ଡାକ୍ତର । ଆଗକୁ ଓଲ୍ଡଏଜ୍ ହୋମ କରିବାର ସେ ଯୋଜନା ରଖିଛନ୍ତି ।
ଗରିଗଙ୍କ ପାଇଁ ଦେବଦୁତ ସାଜିଛନ୍ତି ଏହି ସହୃଦୟ ଯନ୍ତ୍ରୀ । ଏପରିକି ଯେଉଁଠି ସୁବିଧା ସୁଯୋଗ ଅପହଞ୍ଚ ହେଉଛି ସେଠି କ୍ୟାମ୍ପ ପକାଇ ମାଗଣାରେ କରାଉଛନ୍ତି ଅସ୍ତ୍ରପୋଚାର । ଭୂବନେଶ୍ୱର ବାସିନ୍ଦା ଇଞ୍ଜିନିୟର ଜଣଙ୍କ ଚେନ୍ନାଇର ଏକ ଘରୋଇ କମ୍ପାନୀର ଚାକିରୀ କରୁଥିଲେ । ତାଙ୍କର ଏଭଳି କାର୍ଯ୍ୟ ପାଇଁ କେବଳ ରୋଗୀ ନୁହନ୍ତି , ସବୁ ମହଲରୁ ତାଙ୍କୁ ପ୍ରଶଂସା କରାଯାଉଛି ।
