T20 ବିଶ୍ୱକପ୍: ବିଶ୍ୱ ବିଜୟୀ ଇଂଲଣ୍ଡ, ଦ୍ୱିତୀୟ ଥର ଟ୍ରଫି ନେଲା ଟିମ୍

ବିଶ୍ୱକପ ଟ୍ରଫି ଟେକିନେଲା ଇଂଲଣ୍ଡ  । ବହୁ ପ୍ରତିକ୍ଷୀତ t20 ବିଶ୍ୱକପ ବିଜୟୀ ହୋଇଛି ଉଂଲଣ୍ଡ  । ଦ୍ୱିତୀୟ ଥର ପାଇଁ ବିଶ୍ୱକପ୍ ଟ୍ରଫି ଜିତିଛି ଟିମ୍  । ପାକିସ୍ତାନ ସହ ଫାଇନାଲ ମ୍ୟାଚରେ ମୁହାଁମୁହିଁ ହୋଇଥିବାବେଳେ ଦମଦାର ବ୍ୟାଟିଂ ଫଳରେ ମ୍ୟାଚକୁ ୧୯ ଓଭର ସୁଦ୍ଧା ଜିତି ନେଇଛି ଦଳ  । ପାକିସ୍ତାନ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ ୧୩୭ ରନ୍ କରିଥିବାବେଳେ ଇଂଲଣ୍ଡ ଆଗରେ ୧୩୮ ରନର ବିଜୟ ଲକ୍ଷ୍ୟ ରଖିଥିଲା  ।

ସେପଟେ ୨୦୧୦ରେ ପ୍ରଥମ t20 ବିଶ୍ୱକପ ଟ୍ରଫି ଇଂଲଣ୍ଡ ନେଇଥିଲା  । ଚଳିତବର୍ଷ ପୁଣି ଥରେ ନିଜ ନାଁରେ ରେକର୍ଡ ଲେଖିଛି ଇଂଲଣ୍ଡ  । ଟି-୨୦ ବିଶ୍ବକପ୍ ଟ୍ରଫି ବିଜୟୀ ଇଂଲଣ୍ଡ । ଦ୍ବିତୀୟ ଥର ପାଇଁ ବିଶ୍ବକପ୍ ଟ୍ରଫି ଜିତିଛି ଟିମ୍ ।ମେଲବର୍ଣ୍ଣ କ୍ରିକେଟ୍‌ ଗ୍ରାଉଣ୍ଡରେ ରବିବାର ଖେଳାଯାଇଥିବା ଫାଇନାଲ ମ୍ୟାଚ୍‌ରେ ପାକିସ୍ତାନକୁ ଇଂଲଣ୍ଡ ୫ ୱିକେଟ୍‌ରେ ପରାସ୍ତ କରିଛି।

ପ୍ରଥମ ପାଳିରେ ଇଂଲଣ୍ଡର ବୋଲରମାନେ ଦମଦାର ପ୍ରଦର୍ଶନ କରିଥିଲେ। ଫଳରେ ପାକିସ୍ତାନ ବଡ଼ ସ୍କୋର କରିପାରି ନ ଥିଲା। ଶାନ୍‌ ମସୁଦ ପାକିସ୍ତାନ ପାଇଁ ବ୍ୟକ୍ତିଗତ ଭାବେ ସର୍ବାଧିକ ରନ୍‌ କରିଥିଲେ। ସେ ୨୮ଟି ବଲ୍‌ ଖେଳି ୩୮ ରନ୍‌ ସଂଗ୍ରହ କରିଥିଲେ। ଏଥିରେ ୨ଟି ଚୌକା ଓ ଗୋଟିଏ ଛକା ସାମିଲ ଥିଲା। ଅଧିନାୟକ ବାବର ଆଜମ ୨୮ଟି ବଲ୍‌ ଖେଳି ୩୨ ରନ୍‌ କରିଥିଲେ। ସେ ୨ଟି ଚୌକା ମଧ୍ୟ ମାରିଥିଲେ। ସଦାବ୍‌ ଖାନ ୧୪ଟି ବଲ୍‌ ଖେଳି ୨ଟି ଚୌକା ସହାୟତାରେ ୨୦ ରନ୍‌ କରିଥିଲେ। ଇଂଲଣ୍ଡ ପକ୍ଷରୁ ବ୍ୟାଟ୍ସମ୍ୟାନ  ବେନ୍ ଷ୍ଟ୍ରୋକ୍ ୫୨ ରନ୍ କରି ଅପାରଜିତ ରହିଥିଲେ  ।