ମୋ ସ୍କୁଲ ପରିଚାଳନା ସଙ୍ଗଠନର ୧୮ତମ କାର୍ଯ୍ୟକାରୀ କାଉନସିଲ୍ ବୈଠକ ଶେଷ

ଭୁବନେଶ୍ୱର: ମୋ ସ୍କୁଲ ପରିଚାଳନା ସଙ୍ଗଠନର ୧୮ତମ କାର୍ଯ୍ୟକାରୀ କାଉନସିଲ୍ ବୈଠକ ଭର୍ଚ୍ଚୁଆଲ ମୋଡରେ ଶେଷ ହୋଇଛି । ବିଦ୍ୟାଳୟ ଓ ଗଣଶିକ୍ଷା ବିଭାଗ ପ୍ରମୁଖ ଶାସନ ସଚିବ ସତ୍ୟବ୍ରତଙ୍କ ସାହୁଙ୍କ ଅଧ୍ୟକ୍ଷତାରେ ଏହି ବୈଠକରେ ଅନେକ ନିଷ୍ପତ୍ତି ନିଆଯାଇଛି । ରାଜ୍ୟର ୨୫ଟି ଜିଲ୍ଲାର ୧୬୧୦ଟି ସ୍କୁଲର ଉନ୍ନୟନ କାର୍ଯ୍ୟକ୍ରମ ପାଇଁ ପୁରାତନ ଛାତ୍ରଛାତ୍ରୀ ୨କୋଟି ୪୬ଲକ୍ଷ ୯୦ହଜାର ୨୦ଟଙ୍କା ପ୍ରଦାନ କରିଛନ୍ତି । ରାଜ୍ୟ ସରକାର ଏହାର ଦୁଇଗଣ ଅର୍ଥ ୪କୋଟି ୯୩ଲକ୍ଷ ୮୦ ହଜାର ୪୦ଟଙ୍କା ଅନୁମୋଦନ କରିଛନ୍ତି । ବୈଠକରେ ମୋ ସ୍କୁଲ ଅଭିଯାନ ସହ ଟାଟା ଟ୍ରଷ୍ଟ ଓ କଳାହାଣ୍ଡି, କନ୍ଧମାଳ, ରାୟଗଡା ଜିଲ୍ଲାରେ ମିଳିତ କାର୍ଯ୍ୟକ୍ରମ ପାଇଁ ନିଷ୍ପତ୍ତି ନିଆଯାଇଛି ।