ଆତଙ୍କବାଦୀଙ୍କ ସହ ସୁରକ୍ଷା ବାହିନୀର ଏନକାଉଣ୍ଟର, ୩ ସୈନିକ ଶହିଦ

ନନ୍ଦିଘୋଷ ବ୍ୟୁରୋ : ଆଜି ଜାମ୍ମୁ କାଶ୍ମୀରର ରାଜୋରୀ ଜିଲ୍ଲାରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ହୋଇଛି । ଏନକାଉଣ୍ଟରରେ ଦୁଇ ବରିଷ୍ଠ ସେନା ଅଧିକାରିଙ୍କ ସମେତ ଜଣେ ସୈନିକ ସହିଦ ହୋଇଛନ୍ତି। ଜାମ୍ମୁ କାଶ୍ମୀର ପୋଲିସର ସୂଚନା ଅନୁସାରେ, ଆଜି ସକାଳ ୯ ଟାରେ ଆତଙ୍କବାଦୀମାନେ ଲୁଚି ରହିଥିବା ସୂଚନା ପାଇଥିଲା ସେନା । ଏହା ପରେ ସର୍ଚ୍ଚଅପରେସନ୍ କରାଯାଇଥିଲା | ଏହି ଏନକାଉଣ୍ଟରରେ ଦୁଇ ବରିଷ୍ଠ ସେନା ଅଧିକାରୀ ଏବଂ ଜଣେ ସୈନୀକ ସହିଦ ହୋଇଛନ୍ତି । ଜଣେ ସୈନୀକ ଗୁରୁତର ଆହତ ହୋଇଥିବାବେଳେ ତାଙ୍କୁ ଚିକିତ୍ସା ପାଇଁ ଉଦ୍ଧାମପୁରକୁ ନିଆଯାଇଛି। ଆହତ ସୈନିକଙ୍କ ବାହୁ ଏବଂ ଛାତିରେ ଆଘାତ ଲାଗିଛି। ୯ ଘଣ୍ଟାରୁ ଅଧିକ ସମୟ ଧରି ଏହି ଏନକାଉଣ୍ଟର ଚାଲିଥିଲା | ସୁରକ୍ଷା ବାହିନୀ ଦ୍ୱାରା ସମଗ୍ର ଅଞ୍ଚଳକୁ କର୍ଡନ କରାଯାଇଛି। ଯାହାଫଳରେ ଆତଙ୍କବାଦୀମାନେ ରକ୍ଷା ପାଇପାରିବେ ନାହିଁ। କୁହାଯାଉଛି ଯେ ରାଷ୍ଟ୍ରିୟ ରାଇଫଲ୍ସର ଜଣେ କ୍ୟାପଟେନ ଏବଂ ଅନ୍ୟ ଜଣେ କ୍ୟାପଟେନ ପାରାସୁଟର ଏହି ଏନକାଉଣ୍ଟରରେ ଶହୀଦ ହୋଇଛନ୍ତି।  ଅନ୍ୟପଟେ ପୋଲିସ କହିଛି ଯେ ଘଟଣାସ୍ଥଳରେ ଦୁଇଜଣ ଆତଙ୍କବାଦୀ ଫସି ରହିଥିଲେ।

ସର୍ଚ୍ଚଅପରେସନ ସମୟରେ ଧର୍ମଶାଳାର ବାଜିମା ଜିଲ୍ଲା ଅଞ୍ଚଳରେ ଆତଙ୍କବାଦୀ ଏବଂ ସୁରକ୍ଷା ବାହିନୀଙ୍କ ମଧ୍ୟରେ ଏକ ଏନକାଉଣ୍ଟର ଆରମ୍ଭ ହୋଇଥିଲା । ସର୍ଚ୍ଚଅପରେସନରେ ସେନାର ରାଷ୍ଟ୍ରିୟ ରାଇଫଲ୍ସ କର୍ମଚାରୀଙ୍କ ସହ ପାରାସୁଟର ମାନେ ମଧ୍ୟ ଭାଗ ନେଇଥିଲେ। ସେହି ଆତଙ୍କବାଦୀଙ୍କ ନିକଟରେ ସେନା ପହଞ୍ଚିବା ମାତ୍ରେ ଆତଙ୍କବାଦୀମାନେ ସେନା ଉପରେ ଗୁଳି ଚଳାଇବା ଆରମ୍ଭ କରିଥିଲେ।  କିଛିଦିନ ପୂର୍ବରୁ କୁଲଗାମରେ ସୁରକ୍ଷା ବାହିନୀ ଏକ ବଡ଼ ସଫଳତା ପାଇଥିଲେ । ଆତଙ୍କବାଦୀମାନେ ରକେଟ୍ ଲଞ୍ଚର୍ ସହିତ ଲୁଚି ରହିଥିବା ଘରକୁ ସୈନିକମାନେ ବିସ୍ଫୋରଣ କରିଥିରିଲେ। ସେନା ଦ୍ୱାରା ହୋଇଥିବା ଏହି ଏନକାଉଣ୍ଟରରେ ୫ ଆତଙ୍କବାଦୀ ନିହତ ହୋଇଥିଲେ। କୁଲଗାମ ପୋଲିସ, ସେନା ଏବଂ CRPFର ମିଳିତ ଅପରେସନରେ ୫ ଆତଙ୍କବାଦୀ ନିହତ ହୋଇଥିଲେ। ଘଟଣାସ୍ଥଳରୁ ଆପତ୍ତିଜନକ ସାମଗ୍ରୀ ଉଦ୍ଧାର କରାଯାଇଥିଲା । କାଶ୍ମୀର ଜୋନ୍ ପୋଲିସ ଏକ୍ସ ରେ ଏକ ପୋଷ୍ଟ ମାଧ୍ୟମରେ କହିଛି ଯେ କୁଲଗାମର ଦାମହଲ ହାନଜୀ ପୋରା ଅଞ୍ଚଳରେ ଗୁରୁବାର ଏହି ଏନକାଉଣ୍ଟର ଆରମ୍ଭ ହୋଇଥିଲା । ଗତକାଲିଠାରୁ ସୁରକ୍ଷା ବାହିନୀ ହି କିଛି ଆତଙ୍କବାଦୀଙ୍କୁ ଘେରି ରହିଥିଲେ। ଉଭୟ ପାର୍ଶ୍ୱରୁ ଲଗାତାର ଗୁଳି ବିନିମୟ ହୋଇଥିଲା।