ପୁଞ୍ଚରେ ଆତଙ୍କବାଦୀ ଓ ସୁରକ୍ଷାକର୍ମୀ ଗୁଳି ବିନିମୟ; ଜେସିଓଙ୍କ ସମେତ ଦୁଇ ଯବାନ ସହିଦ

ଶ୍ରୀନଗର: ଜମ୍ମୁ-କାଶ୍ମୀରର ପୁଞ୍ଚ ସେକ୍ଟରରେ ଆତଙ୍କବାଦୀ ଆକ୍ରମଣ। ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳିଚାଳନାରେ ଜଣେ ଜୁନିଅର କମିଶନଡ୍ ଅଫିସର (ଜେସିଓ)ଙ୍କ ସମେତ ଦୁଇ ଜଣ ଯବାନ ସହିଦ ହୋଇଛନ୍ତି।

ସୂଚନା ଅନୁଯାୟୀ, ଗୁରୁବାର ସନ୍ଧ୍ୟାରେ ପୁଞ୍ଚ-ରଜୌରୀ ଜଙ୍ଗଲରେ ଆତଙ୍କୀ ଗତିବିଧି ସମ୍ପର୍କରେ ସୂଚନା ପାଇବା ପରେ ସୁରକ୍ଷାକର୍ମୀ ମାନେ ସର୍ଚ୍ଚ ଅପରେସନ ଆରମ୍ଭ କରିଥିଲେ। ଉଭୟ ପକ୍ଷରୁ ଗୁଳିଚାଳନା ବେଳେ ଜଣେ ଜେସିଓ ସହିଦ ହୋଇଛନ୍ତି। ଏହି ଘଟଣାରେ ୨ଯବାନ ଗୁରୁତର ଆହତ ହୋଇଛନ୍ତି। ଜମ୍ମୁ-ପୁଞ୍ଚ-ରଜୌରୀ ହାଇୱେକୁ ବନ୍ଦ କରାଯାଇ ସର୍ଚ୍ଚ ଅପରେସନ ଜାରି ରହିଛି।

ଗତକିଛି ଦିନ ଧରି ଆତଙ୍କବାଦୀ କାର୍ଯ୍ୟକଳାପ ବୃଦ୍ଧି ପାଇଥିବାରୁ ସେନା ପକ୍ଷରୁ ଜାରି ରହିଛି ସ୍ବତନ୍ତ୍ର ଅପରେସନ । ତିନିଦିନ ତଳେ ଆତଙ୍କବାଦୀ-ସୁରକ୍ଷାକର୍ମୀଙ୍କ ମଧ୍ୟରେ ଗୁଳିଚାଳନାରେ ୫ଯବାନ ସହିଦ ହୋଇଥିଲେ ।