ଦାୟିତ୍ବ ନେବା ପରେ ଆକ୍ସନ ମୋଡ୍‌ରେ ଡିସିପି, ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ଚକରା ଆହତ

1 min read

ଭୁବନେଶ୍ୱର: ଦାୟିତ୍ୱ ନେବା ପରେ ଆକ୍ସନ ମୋଡରେ ଭୁବନେଶ୍ବର ଡିସିପି ପ୍ରତୀକ ସିଂ । ରାଜଧାନୀରେ ବର୍ଷର ପ୍ରଥମ ଏନକାଉଣ୍ଟର । ଦୁର୍ଦ୍ଦାନ୍ତ ଡକାୟତ ଚକ୍ରଧର ବାରିକ ଓରଫ ଚକରା ବାରିକ ଆହତ । ଏନକାଉଣ୍ଟରରେ ଚକରାର ଡାହାଣ ଗୋଡ଼ରେ ବାଜିଛି ଗୁଳି । ଚକରାକୁ କଟକ ଏସସିବି ସ୍ଥାନାନ୍ତର କରାଯାଇଛି । ସ୍ପେସାଲ ସ୍କ୍ୱାଡ ଓ ଖଣ୍ଡଗିରି ପୋଲିସର ମିଳିତ ଏନକାଉଣ୍ଟରରେ ଏନକାଉଣ୍ଟର କରାଯାଇଛି । ବରମୁଣ୍ଡା ମେଳଣ ପଡ଼ିଆରେ ଡକାୟତି ପାଇଁ ଯୋଜନ କରୁଥିଲେ ୬ରୁ ୭ ଜଣ ଡକାୟତ । ଖବର ପାଇ ପୋଲିସ୍ ଗ୍ୟାଙ୍ଗକୁ ଧରିବାକୁ ଗଲା ବେଳେ ଚକରା ବୋମାମାଡ଼ କରିଥିଲା । ଏହାସହ ପୋଲିସ ଉପରକୁ କରିଥିଲା ଗୁଳିମାଡ଼ ।

ଏହାର ଜବାବରେ ପୋଲିସ ଏନକାଉଣ୍ଟର କରିଥିଲା । ଅନ୍ଧାରର ସୁଯୋଗ ନେଇ ୬ ଡ଼କାୟତ ଖସି ପଳାଇଥିଲେ । ତେବେ ଚକାର ନାଁରେ ଭୁବନେଶ୍ୱରରେ ୨୦ରୁ ଅଧିକ ଅପରାଧିକ ମାମଲା ରହିଛି । ବ୍ରାଉନସୁଗର, ଡକାୟତି, ଲୁଟ, ଛିନତାଇ ଭଳି ଅପରାଧରେ ଚକରାର ସମ୍ପୃକ୍ତି ଥିବା ସୂଚନା ମିଳିଛି । କୁଖ୍ୟାତ ଡକାୟତ ରବି ରାଓ ଥିଲା ଚକରାର ମୁଖ୍ୟ ସହଯୋଗୀ । ଏହି ବୋମାମାଡ଼ରେ ଦୁଇ ପୋଲିସ ଆହତ ହୋଇଛନ୍ତି । ଘଟଣାସ୍ଥଳରୁ ଦୁଇଟି ବନ୍ଧୁକ, ୪ ରାଉଣ୍ଡ ଅଫୁଟା ଗୁଳି, ୬ଟି ଅଫୁଟା ବୋମା, କାର ଓ ୩ଟି ମୋବାଇଲ ସହ ମଦ ବୋତଲ ଜବତ ହୋଇଛି । ଘଟଣାସମ୍ପର୍କରେ ଖବର ପାଇ ଡିସିପି କ୍ୟାପିଟାଲ ହସ୍ପିଟାଲ ଓ ଘଟଣାସ୍ଥଳରେ ପହଞ୍ଚିଥିଲେ । ପୁରା ଗ୍ୟାଙ୍ଗକୁ ଧରିବାକୁ ଚେଷ୍ଟା କରାଯାଉଛି । ଅପରାଧ ଦମନ ପାଇଁ ସ୍ପେଶାଲ ଡ୍ରାଇଭ ଚାଲିଥିବା କହିଛନ୍ତି ଡିସିପି ପ୍ରତୀକ ସିଂ ।

[DISPLAY_ULTIMATE_SOCIAL_ICONS]