ଆତଙ୍କବାଦୀ ଗୁଳିରେ ଲସ୍କର-ଏ-ତୋଏବା ଆତଙ୍କବାଦୀଙ୍କ ମୃତ୍ୟୁ

ଜମ୍ମୁ ଓ କାଶ୍ମୀର: ଗୁଳିବିନିମୟରେ ଲସ୍କର-ଏ-ତୋଏବାର ଜଣେ ଆତଙ୍କବାଦୀ ମୃତ । ଏକ ଆତଙ୍କବାଦୀ ଆଶ୍ରୟସ୍ଥଳୀ ଚିହ୍ନଟ କରିବା ଲାଗି ପୋଲିସ ଟିମ ସହ ଜଣେ ଆତଙ୍କବାଦୀକୁ ନିଆଯାଉଥିବାବେଳେ ଗୁଳିବିନିମୟ ହୋଇଥିଲା । ଏଥିରେ ଜଣେ ଆତଙ୍କବାଦୀଙ୍କ ମୃତ୍ୟୁ ଘଟିଛି ।

ଜାମ୍ମୁ ଓ କାଶ୍ମୀର ଅନନ୍ତନାଗ ଜିଲ୍ଲାର ଚେକି ଡୁଡୋରେ ଘଟିଛି ଗୁଳିବିନିମୟ । ଅନନ୍ତନାଗରେ କେତେକ ସ୍ଥାନରେ ଆତଙ୍କବାଦୀଙ୍କ ଗୋପନସ୍ଥଳୀ ରହିଥିବା ନେଇ ସୂଚନା ପାଇଥିଲେ ସୁରକ୍ଷକର୍ମୀ । ଏହାକୁ ଠାବ କରିବା ଲାଗି ଜଣେ ଆତଙ୍କବାଦୀକୁ ସାଙ୍ଗରେ ଧରି ସୁରକ୍ଷାକର୍ମୀ ଯାଉଥିବାବେଳେ ସେମାନଙ୍କ ଉପରକୁ ଗୁଳିମାଡ ହୋଇଥଇଲା । ଏହି ଗୁଳି ସୁରକ୍ଷାକର୍ମୀଙ୍କ ସହ ଥିବା ଲସ୍କର ସଦସ୍ୟ ସଜ୍ଜାଦ ତନ୍ତରାୟ ଦେହରେ ବାଜିଥିଲା । ତାଙ୍କୁ ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । ମାତ୍ର ସେତେବେଳକୁ ତାଙ୍କ ମୃତ୍ୟୁ ଘଟି ସାରିଥିଲା ।

ସେପଟେ ଗତ ମେ ମାସରେ ପଞ୍ଜାବ ପୋଲିସର ଗୁଇନ୍ଦା ମୁଖ୍ୟାଳୟରେ ହୋଇଥିବା ଆକ୍ରମଣ ଘଟଣାରେ ସମ୍ପୃକ୍ତ ଥିବା ଖଲିସ୍ତାନୀ ଆତଙ୍କବାଦୀ ହରବିନ୍ଦର ସିଂ ରିନ୍ଦାର ମୃତ୍ୟୁ ଘଟିଥିବା ସୂଚନା ମିଳିଛି । ରିନ୍ଦାକୁ ପାକିସ୍ତାନର ଏକ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସେଠାରେ ମୃତ୍ୟୁ ଘଟିଛି ।