ଦ୍ୱିତୀୟ ଥର ପାଇଁ ଫ୍ରାନ୍ସର ରାଷ୍ଟ୍ରପତି ହେଲେ ଇମାନୁଏଲ୍ ମାକ୍ରୋନ
1 min read
ପ୍ୟାରିସ୍: ଫ୍ରାନ୍ସର ରାଷ୍ଟ୍ରପତି ନିର୍ବାଚନ ପାଇଁ ରବିବାର ଦିନ ମତଦାନ ହୋଇଥିଲା । ଏଥିପାଇଁ ବର୍ତ୍ତମାନର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ଏବଂ ଲେ ପେନଙ୍କ ମଧ୍ୟରେ କଡ଼ା ଟକ୍କର ହୋଇଥିଲା । ଏକ ରିପୋର୍ଟ ଅନୁଯାୟୀ, ଫ୍ରାନ୍ସ ରାଷ୍ଟ୍ରପତି ନିର୍ବାଚନରେ ଇମାନୁଏଲ୍ ମାକ୍ରୋନ୍ ୫୭-୫୮% ଭୋଟ୍ ରେ ବିଜୟ ହାସଲ କରିଛନ୍ତି । ବିଜୟ ପରେ ଏକ ଶୋଭାଯାତ୍ରାରେ ଯାଇ ମାକ୍ରନ ଇଫେଲ ଟାଓ୍ବାର ନିକଟସ୍ଥ ଚାମ୍ପ ଡି ମାର୍ସରୁ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ।
ମାକ୍ରୋନଙ୍କ ପୂର୍ବରୁ କେବଳ ଦୁଇ ଜଣ ବ୍ୟକ୍ତି ଫ୍ରାନ୍ସର ରାଷ୍ଟ୍ରପତି ଭାବେ ଦ୍ୱିତୀୟ କାର୍ଯ୍ୟକାଳ ସମ୍ଭାଳିଥିଲେ। ତେବେ ଚଳିତ ଥର ଫ୍ରାନ୍ସ ନିର୍ବାଚନରେ ସ୍ୱାସ୍ଥ୍ୟ, ଦରଦାମ୍ ବୃଦ୍ଧି, ଆୟ ପରି ମୌଳିକ ଜିନିଷକୁ ପ୍ରାଥମିକତା ଦିଆଯାଇଥିଲା । ସୂଚନାଯୋଗ୍ୟ, ଏପ୍ରିଲ୍ ୧୦ରେ ରାଷ୍ଟ୍ରପତି ନିର୍ବାଚନ ପାଇଁ ପ୍ରଥମ ରାଉଣ୍ଡ ଭୋଟିଂ ହୋଇଥିଲା। ଏହି ନିର୍ବାଚନରେ ଦେଶର ୪.୮୦ କୋଟି ଭୋଟର ନୂଆ ରାଷ୍ଟ୍ରପତିଙ୍କ ଭାଗ୍ୟ ନିର୍ଦ୍ଧାରଣ କରିଥିଲେ । ଚଳିତ ଥର ୧୨ ଜଣ ପ୍ରାର୍ଥୀ ରାଷ୍ଟ୍ରପତି ଦୌଡରେ ଥିଲେ।
୪୪ ବର୍ଷୀୟ ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ପୁଣିଥରେ ରାଷ୍ଟ୍ରପତି ପଦବୀରେ ବସିବା ପାଇଁ ନିର୍ବାଚନ ଲଢିଥିଲେ । ଆଉ ତାଙ୍କ ବିପକ୍ଷରେ ଥିଲେ ଦକ୍ଷିଣପନ୍ଥୀ ରାଷ୍ଟ୍ରପତି ପ୍ରାର୍ଥୀ ମେରାଇନ୍ ଲେ ପେନ । ୫୩ ବର୍ଷୀୟା ମରିନ୍ ଲେ ପେନ୍ ପ୍ରବାସୀଙ୍କ ବିରୁଦ୍ଧରେ କଠୋର ବୟାନବାଜିକୁ ନେଇ ଅନେକ ସମୟରେ ଚର୍ଚ୍ଚାରେ ରହିଥିଲେ ।
ତେବେ ଇଏାନୁଏଲଙ୍କ ଏହି ବିଜୟରେ ଭାରତର ପ୍ରଧାନମନ୍ତ୍ରୀ ମୋଦିଙ୍କ ସମେତ ବହୁ ରାଷ୍ଟ୍ରର ରାଷ୍ଟ୍ରପତି ଓ ପ୍ରଧାନମନ୍ତ୍ରୀ ମାନେ ଶୁଭେଚ୍ଛା ଜଣାଇଛନ୍ତି।
