ସ୍ପାଇସଜେଟ୍ ବିମାନରେ ଧୂଆଁ ଦେଖାଯିବା ପରେ ଜରୁରୀ ଅବତରଣ

ହାଇଦ୍ରାବାଦ: ବୁଧବାର ରାତିରେ ଗୋଆରୁ ଆସୁଥିବା ଏକ ସ୍ପାଇସଜେଟ୍ ବିମାନକୁ ହାଇଦ୍ରାବାଦ ବିମାନବନ୍ଦରରେ ଜରୁରୀ ଅବତରଣ କରାଯାଇଛି । ବିମାନର କ୍ୟାବିନରେ ଧୂଆଁ ଦେଖାଯିବା ପରେ ବୁଧବାର ବିଳମ୍ବିତ ରାତିରେ ଜରୁରୀ ଅବତରଣ କରାଯାଇଥିବା ସୂଚନା । ଡିଜିସିଏ ପକ୍ଷରୁ ଦିଆଯାଇଥିବା ସୂଚନାନୁସାରେ, ଜରୁରୀ ଅବତରଣ ପରେ ସମସ୍ତ ଯାତ୍ରୀଙ୍କୁ ସୁରକ୍ଷିତ ବାହାରକୁ ବାହାର କରାଯାଇଥିଲା । ଏହି ଅବସରରେ ଜଣେ ୟାତ୍ରୀଙ୍କ ଗୋଡରେ ସାମାନ୍ୟ ଆଘାତ ଆସିଛି । ସ୍ପାଇସଜେଟର Q400 ଏୟାରକ୍ରାଫ୍ଟ VT-SBQରେ ୮୦ ଯାତ୍ରୀ ଯାତ୍ରା କରୁଥିଲେ । ରାତି ପ୍ରାୟ ୧୧ ଟା ସମୟରେ ଏହି ଘଟଣା ଘଟିଥିଲା ।