୮୦୦ରୁ ଅଧିକ ଥର ଭୂକମ୍ପରେ ଥରିଲା ଆଇସଲ୍ୟାଣ୍ଡ, ଜାରି ହେଲା ଏମରଜେନ୍ସୀ
1 min read
ରିଆକ୍ବାଜାଭିକ୍: ଆଇସଲ୍ୟାଣ୍ଡରେ ସିରିଜ ଭୂକମ୍ପ । ସାରା ଦେଶରେ ଆତଙ୍କ । ଗୋଟିଏ ନୁହେଁ କି ଦୁଇଟି ନୁହଁ । ୮୦୦ରୁ ଅଧିକ ଥର ଭୂକମ୍ପ ପରେ ଆଗ୍ନେୟ ଉଦଗିରଣକୁ ନେଇ ହଇଚଇ । ଭୂକମ୍ପ ପରେ ଆଇସଲ୍ୟାଣ୍ଡରେ ଜାରି ହୋଇଛି ଏମରଜେନ୍ସୀ । ଦକ୍ଷିଣିପଶ୍ଚିମ ରେକଜାଭିକ ଅଞ୍ଚଳରେ ଏହି ଭୂକମ୍ପ ଅନୁଭୂତ ହୋଇଛି । ବେସାମରିକ ନାଗରିକ ସୁରକ୍ଷା ଓ ଜରୁରୀକାଳୀନ ପରିଚାଳନା ବିଭାଗ କହିଛି- ଗ୍ରିନ୍ଦାଭିକ ସମେତ ଅନ୍ୟାନ୍ୟ ଅଞ୍ଚଳରେ ଏହି ଭୂକମ୍ପ ଅନୁଭୂତ ହେବା ପରେ ଏମର୍ଜେନସି ଜାରି କରାଯାଇଛି ।
ସିରିଜ ଭୂକମ୍ପ ପରେ ବିଭିନ୍ନ ସ୍ଥାନରେ ଉଦ୍ଧାର ପ୍ରକ୍ରିୟା ଜାରି ରହିଛି । ଉତ୍ତର ଗ୍ରିନ୍ଦାଭିକରେ ସର୍ବାଧିକ ୫.୨ ତୀବ୍ରତାର ଭୂକମ୍ପ ଅନୁଭୂତ ହୋଇଛି । ବଡକଥା ହେଉଛି ଗଚ ଅକ୍ଟୋବର ପରଠାରୁ ବର୍ତ୍ତମାନ ସୁଦ୍ଧା ୨୪ ହଜାରରୁ ଅଧିକ ଥର ଭୂକମ୍ପ ଅନୁଭୂତ ହେଲାଣି । ଗତକାଲି ମଧ୍ୟରାତ୍ରୀରୁ ବର୍ତ୍ତମାନ ସୁଦ୍ଧା ୮୦୦ ଥର କମ୍ପନ ସୃଷ୍ଟି ହୋଇଛି । ସେହି ଅଞ୍ଚଳକୁ ପାଟ୍ରୋଲ ଭେସେଲ ପଠାଯାଇଛି ।
ଅଧିକାଂଶ ସ୍ଥାନରେ ହୋଟେଲକୁ ବନ୍ଦ କରିଦିଆଯାଇଛି । ସମ୍ଭାବ୍ୟ ଆଗ୍ନେୟ ଉଦଗିରଣ ଆଶଙ୍କାରେ ବିଭିନ୍ନ ପ୍ଲାଣ୍ଟରେ ସୁରକ୍ଷା ବଢାଇ ଦିଆଯାଇଛି । ୨୦୧୦ରେ ଏଜାଫାଜକୁଲରେ ବଡଧରଣର ଉଦଗିରଣ ହୋଇଥିବାରୁ ୧ ଲକ୍ଷ ବିମାନ ବାତିଲ ହୋଇଥିଲା । ଫଳରେ ୧୦ ଲକ୍ଷରୁ ଅଧିକ ଯାତ୍ରୀ ଅଟକି ରହିଥିଲେ ।
