ମସ୍କଙ୍କ ଗୋଟିଏ ଦିନରେ ୪ଥର କରୋନା ଟେଷ୍ଟ: ୨ ଥର ନେଗେଟିଭ୍

ନୂଆଦିଲ୍ଲୀ: କୋଭିଡ-୧୯ ଟେଷ୍ଟ କରାଇଛନ୍ତି ସ୍ପେସ୍-ଏକ୍ସ ଏବଂ ତେସଲାର (ଆମେରିକାର ନାସା ଏବଂ ୟୁଏସ୍ ଏୟାର ଫୋର୍ସ ସହ ଚୁକ୍ତିବଦ୍ଧ କମ୍ପାନୀ)ର ମାଲିକ ଏଲନ ମସ୍କ । କୋଭିଡ-୧୯ ଟେଷ୍ଟ ତାଙ୍କର କହିବା ହେଲା  ଯେ, ସେ ଗୋଟିଏ ଦିନରେ ୪ଥର କରୋନା ଟେଷ୍ଟ କରାଇଥିଲେ । ଯେଉଁଥିରୁ ୨ ଥର ପଜିଟିଭ୍ ଏବଂ ୨ ଥର ନେଗେଟିଭ ଆସିଥିଲା । କରୋନା ଟେଷ୍ଟର ଏଭଳି ରିପୋର୍ଟକୁ ନେଇ ପ୍ରଶ୍ନ ଉଠାଇଛନ୍ତି ମସ୍କ । ଏବଂ କିଛି ଗଡ଼ବଡ଼ ହୋଇଥିବା ସେ ସନ୍ଦେହ ପ୍ରକାଶ କରିଛନ୍ତି ।

ଏହା ପୂର୍ବରୁ ମଧ୍ୟ କରୋନା ଭାଇରସକୁ ଲୋକଙ୍କ ମଧ୍ୟରେ ଭୟର ବାତାବରଣ ଦେଖାଯାଇଥିବା ବେଳେ ସେ ଏହାକୁ ଅତି ହାଲୁକା ଭାବେ ନେଇଛନ୍ତି । ମାର୍ଚ୍ଚରେ ସେ କହିଥିଲେ ଏପ୍ରିଲ ଯାଏଁ ଆମେରିକାରେ କରୋନାର ଗୋଟିଏ ମଧ୍ୟ ମାମଲା ସାମ୍ନାକୁ ଆସିବନାହିଁ । କିନ୍ତୁ ଆମେରିକାରେ କରୋନା ଦ୍ୱାରା ସର୍ବାଧିକ ପ୍ରଭାବିତ ହୋଇଛି । ମସ୍କ ଗୁରୁବାର ଟ୍ୱିଟ୍ କରି କହିଛନ୍ତି , ଆଜି ମୋର ଚାରି ଥର କୋଭିଡ ଟେଷ୍ଟ ହୋଇଥିଲା  । ଯେଉଁଥିରୁ ୨ଥର ନେଗେଟିଭ୍ ଓ ୨ଥର ପଜିଟିଭ୍ ଆସିଛି । ସେହି ମେସିନ ସେହି ଟେଷ୍ଟ ଏବଂ ସେହି ନର୍ସ । ମସ୍କଙ୍କ ଏହି ଟ୍ୱିଟ ଉପରେ ପ୍ରତିକ୍ରିୟା ଜଣେ ୟୁଜର ପ୍ରତିକ୍ରିୟା ଦେଇ ଲେଖିଛନ୍ତି ଏଥି ପାଇଁ ବୋଧେ ସଂକ୍ରମଣ ମାମଲା ଅଧିକ ସଂଖ୍ୟାରେ ବଢ଼ିବାରେ ଲାଗିଛି । ଏହାର ଜବାବ ଦେବାକୁ ଯାଇ ମସ୍କ କହିଛନ୍ତି , ‘ଯାହା ମୋ ସହ ହୋଇଛି’ ।

ଦ୍ୱିତୀୟ ଲ୍ୟାବ୍ ଟେଷ୍ଟ

ମସ୍କ କହିଛନ୍ତି ଯେ, ସେ ଦ୍ୱିତୀୟ ଲ୍ୟାବରୁ ମଧ୍ୟ ତାଙ୍କର ଟେଷ୍ଟ ହୋଇଥିଲା । ଯାହାର ରିପୋର୍ଟ ଆସିବାକୁ ୨୪ ଘଣ୍ଟା ବାକି ଅଛି । ସେ ଟ୍ୱିଟରେ କହିଛନ୍ତି, ଅନ୍ୟ ଲ୍ୟାବରେ ପିସିଆର ଟେଷ୍ଟ ହୋଇଛି । ଏହାର ରିପୋର୍ଟ ଆସିବାକୁ ୨୪ ଘଣ୍ଟା ସମୟ ଲାଗିବ । ସେ କହିଛନ୍ତି ତାଙ୍କ ନିକଟରେ ଥଣ୍ଡା, କାଶ ଭଳି ସାଧାରଣ ଲକ୍ଷଣ ପ୍ରକାଶ ପାଇଥିଲା ।