ଟୁଇଟରର ୭୫ ପ୍ରତିଶତ କର୍ମଚାରୀଙ୍କୁ ବିଦା କରିପାରନ୍ତି ଏଲନ ମସ୍କ

ନନ୍ଦିଘୋଷ ବ୍ୟୁରୋ: ଏଲନ ମସ୍କଙ୍କ ଟୁଇଟର ଡିଲକୁ ନେଇ ପୁଣି ଚର୍ଚ୍ଚା । ମସ୍କଙ୍କ ଟୁଇଟର ଡିଲ ଯୋଗୁ କର୍ମଚାରୀଙ୍କ ଚାକିରି ପ୍ରତି ବିଦକ ରହିଥିବା କୁହାଯାଉଛି । ନିବେଶକଙ୍କ ସହ ଆଲୋଚନା ବେଳେ ମସ୍କଙ୍କ ଇସାରା ଏବେ ଟ୍ବିଟର ଏମ୍ପଲୋଇଙ୍କ ପାଇଁ ଚିନ୍ତା ବଢ଼ାଇ ଦେଇଛି । ମାଇକ୍ରୋ ବ୍ଲଗିଂ ସାଇଟ ପାଇଁ କାର୍ଯ୍ୟ କରୁଥିବା ପ୍ରାୟ ୭୫ ହଜାର କର୍ମଚାରୀଙ୍କ ମଧ୍ୟରୁ ୭୫ ପ୍ରତିଶତଙ୍କୁ ଚାକିରିରୁ ବିଦା କରାଯାଇପାରେ ବୋଲି ଇସାରା ଦେଇଛନ୍ତି ମସ୍କ ।

ଏହି ଯୋଜନା ସମ୍ପର୍କରେ ଜଣାପଡ଼ିବା ପରେ କମ୍ପାନୀ କର୍ମଚାରୀଙ୍କ ମଧ୍ୟରେ ଟେନସନ ବଢ଼ିଯାଇଛି । ହେଲେ ଟ୍ବିଟର ଇଙ୍କ୍ ତରଫରୁ ଏହି ରିପୋର୍ଟକୁ ଖଣ୍ଡନ କରାଯାଇଛି । ଏବେ କର୍ମଚାରୀ ଛଟେଇ କରିବାର କୌଣସି ଯୋଜନା ନାହିଁ ବୋଲି ଟୁଇଟର ଇଙ୍କ କହିଛନ୍ତି । କମ୍ପାନୀ ନାଁରେ ଲିକ୍ ହୋଇଥିବା ତଥ୍ୟ ଉପରେ ଧ୍ୟାନ ନଦେବାକୁ ଜେନରାଲ କାଉନସିଲ ମେମ୍ବର ସିନ ଏଗଗେଟ୍ କହିଛନ୍ତି ।

ୱାସିଂଟନ ପୋଷ୍ଟ ତରଫରୁ ଏକ ଇଣ୍ଟରଭ୍ୟୁ ଓ ଡକ୍ୟୁମେଣ୍ଟସ୍ ଆଧାରରେ ଏହି ଛଟେଇ ବାବଦରେ ସୂଚନା ମିଳିଥିଲା । ଓ୍ବାସିଂଟନ ରିପୋର୍ଟ ମୁତାବକ, ଆଆଗାମୀ କିଛି ମାସ ମଧ୍ୟରେ କମ୍ପାନୀ କର୍ମଚାରୀ ଛଟେଇ କରିବ । ମାଲିକ କେହି ବି ହୁଅନ୍ତୁ, କମ୍ପାନୀ ପେ ରୋଲରୁ ପାଖାପାଖି ୮୦ କୋଟି ଡଲାର କମ୍ କରିବ ବୋଲି ଯୋଜନା ରଖିଥିବା ଏହି ରିପୋର୍ଟରୁ ଜଣାପଡ଼ିଛି ।