ଟୁଇଟର ମାଲିକ ଏଲନ ମସ୍କଙ୍କ ଜୀବନ ପ୍ରତି ବିପଦ

ନନ୍ଦିଘୋଷ ବ୍ୟୁରୋ: ଟୁଇଟର ମାଲିକ ଏଲନ ମସ୍କଙ୍କ ଜୀବନ ପ୍ରତି ବିପଦ । ତାଙ୍କୁ ଗୁଳି କରିବା ଆଶଙ୍କା ରହିଛି ବୋଲି ସେ କହିଛନ୍ତି । ଏନେଇ ସେ ଦୁଇ ଘଣ୍ଟାର ଅଡିଓ ରିଲିଜ କରିଛନ୍ତି । ସେ କହିଛନ୍ତି- ତାଙ୍କ ଉପରେ କିଛି ଅଘଟଣ ଘଟିବାର ଆଶଙ୍କା ରହିଛି । ଜଣଙ୍କୁ ହତ୍ୟା କରିବା କିଛି ଗୋଟାଏ ବଡ଼ କଥା ନୁହେଁ । ଯଦି ଶତ୍ରୁ ଚାହିଁବେ ତେବେ ତାଙ୍କୁ ହତ୍ୟା କରିବା ଆଶଙ୍କା ରହିଛି । ସେ ଖୋଲା କାର୍ରେ ବୁଲିବେ ନାହିଁ ।

ତେବେ ଏହାକୁ ନେଇ ଭାଗ୍ୟ ଉପରେ ଛାଡିଛନ୍ତି ମସ୍କ । ଟେସଲା ଓ ସ୍ପେସଏକ୍ସ ସିଇଓ ମସ୍କ ମୁକ୍ତ ଓ ଅବାଧ ମତବ୍ୟକ୍ତ କରିବାର ଅଧିକାରକୁ ଗୁରୁତ୍ବ ଦେଇଛନ୍ତି । ସେ ଏପରି ଏକ ଭବିଷ୍ୟତ କଥା କହୁଛନ୍ତି ଯେଉଁଥିରେ କୌଣସି ଚାପ ନଥିବ । ଯେତେବେଳେ ପର୍ଯ୍ୟନ୍ତ ଆପଣ ଅନ୍ୟମାନଙ୍କ ଲାଗି ବିପଦ ସୃଷ୍ଟି କରିନାହାନ୍ତି ସେତେବେଳ ପର୍ଯ୍ୟନ୍ତ ଆପଣଙ୍କୁ କଥା କହିବାର ଅଧିକାର ପ୍ରଦାନ କରିବା ଉଚିତ ବୋଲି ସେ କହିଛନ୍ତି ।