ୱାଶିଂଟନ: ଆସିଛି ନୂତନ ବର୍ଷ । ନୂତନ ଉନ୍ମାଦନା । ପ୍ରତିଟି ମଣିଷ ଚାହେଁ କିଛି ନୂଆ। ଠିକ୍ ସେମିତି ଟ୍ୱିଟର ମାଲିକ ହେବା ପରେ ଏଲନ ମସ୍କ କ୍ରମାଗତ ଭାବରେ ନୂତନ୍ୱତ ଆଣିଛନ୍ତି। ଟ୍ୱିଟରେ ଗତ ଦୁଇ ମାସ ମଧ୍ୟରେ ଅନେକ ଫିଚରସ୍ ପରିବର୍ତ୍ତନ ହୋଇଛି। ସେଥିମଧ୍ୟରେ ଟ୍ବିଟର ବ୍ଲୁ ଟିକ୍ ମଧ୍ୟ ସାମିଲ ରହିଛି। କିନ୍ତୁ ଦେୟଯୁକ୍ତ ସେବାକୁ ନେଇ ନାଖୁସ୍ ଗ୍ରାହକ ।
ବର୍ତ୍ତମାନ ଟ୍ବିଟରକୁ ନେଇ ଏଲନ ମସ୍କ ଆଉ ଏକ ସୂଚନା ଦେଇଛନ୍ତି, ନୂତନ ବର୍ଷରେ ଟ୍ବିଟରେ ଆଉ ଏକ ନୂଆ ନାଭିଗେସନ୍ ଫିଚର ଆସୁଛି । ଏହି ନାଭିଗେସନ ସାହାର୍ଯ୍ୟରେ ସୁପାରିସ, ଫଲୋ ଟ୍ବିଟ ଏବଂ ଅନ୍ୟ ବିଷୟର ବିଷୟବସ୍ତୁକୁ ସହଜରେ ଦେଖିହେବ । ଏଲନ ମସ୍କ ଏକ ଟ୍ବିଟର ପ୍ରତିଉତ୍ତରରେ କହିଛନ୍ତି ଯେ, ଟ୍ୱିଟରର ଅନେକ ପରିବର୍ତ୍ତନ କରାଯାଉଛି । ଯାହା ଫଳରେ ସୁପାରିସ, ଟ୍ବିଟ, ଫଲୋ ଏବଂ ଅନ୍ୟାନ ବିଷୟବସ୍ତୁକୁ ଦେଖିବା ପାଇଁ ବ୍ୟବହାରକାରୀଙ୍କୁ ଭଲ ଲାଗିବ ।
ତେବେ କିଛିଦିନ ପୂର୍ବରୁ ଟ୍ୱିଟରରେ ୪୦ ହଜାରରୁ ଅଧିକ ବ୍ୟବହାରକାରୀଙ୍କ ତଥ୍ୟ ଚୋରୀ ହୋଇଥିଲା । ତଥ୍ୟ ଚୋରୀ ହେବା ପରେ ଏହାକୁ ଡ୍ରାଫ ୱେବରେ ବିକ୍ରି କରିବା ପାଇଁ ଉପଲବ୍ଧ କରାଯାଇଥିଲା । ଚୋରୀ ହୋଇଥିବା ତଥ୍ୟ ଗୁଡିକରେ ୟୁର୍ଜସଙ୍କ ନାମ, ଠିକଣା, ଆଇଡିରେ ଥିବା ଫଲୋ ଏବଂ ଫୋନ ନମ୍ବର ସମସ୍ତ ତଥ୍ୟା ସାମିଲ ଥିଲା । ସୂଚନା ଅନୁଯାୟୀ, ଭାରତୀୟ ସୂଚନା ଏବଂ ପ୍ରସାରଣ ମନ୍ତ୍ରୀଳୟ, ଆମେରିକା ସ୍ପେସ୍ ଏଜେନ୍ସି ନାସାର ଆକାଉଣ୍ଟ ତଥ୍ୟ ମଧ୍ୟ ସାମିଲ ଥିଲା । ଅନ୍ୟପଟେ ଏହା ପୂର୍ବରୁ ଟ୍ବିଟରର ୫୪ ଲକ୍ଷ ବ୍ୟବହାରକାରୀଙ୍କ ବ୍ୟକ୍ତିଗତ ତଥ୍ୟ ଚୋରୀ ହୋଇଥିଲା ।
