ରାତି ହେଲେ ଗାଁ ମୁହାଁ ହେଉଛନ୍ତି ହାତୀ, ନଷ୍ଟ କରୁଛନ୍ତି ଫସଲ

ଟାଙ୍ଗୀ: ରାତି ହେଲେ ହାତୀ ମାତୁଛନ୍ତି । ଦଳି ଚକଟି ଫସଲକୁ ନଷ୍ଟ କରୁଛନ୍ତି । ଖୋର୍ଦ୍ଧା ଜିଲ୍ଲା ଟାହ୍ଗୀ ରେଞ୍ଜରେ ଆତଙ୍କ ଖେଳାଇଛନ୍ତି ହାତୀ । ଗତରାତିରେ ୧୬ ଟିକିଆ ହାତୀପଲ ଉଦୟଗିରିର ଜଙ୍ଗଲରୁ ବାହାରି ବ୍ୟାପକ ଫସଲ ନଷ୍ଟ କରିଛନ୍ତି । ଟାଙ୍ଗୀ ରେଞ୍ଜର ଭଜାଗଡ଼, ତାରିମୀ, ବାଲିନାସୀ ଆଦି ଗହୀରରେ ହାତୀ ଧାନ ଫସଲ ଉଜାଡ଼ି ଦେଇଛନ୍ତି ।

ହାତୀପଲ ଉପରେ ବନ ବିଭାଗର ୨ଟି ଟିମ୍ ନଜର ରଖିଥିଲେ । ଭୋର୍ ହେବା ପୂର୍ବରୁ ହାତୀପଲଙ୍କୁ ବନ ବିଭାଗ ଉଦୁଗିରି ଜଙ୍ଗଲକୁ ଘଉଡ଼ାଇ ଦେଇଛି । ହାତୀପଲରେ ୫ଟି ଦନ୍ତା, ୫ ଛୁଆ ହାତୀ ସହ ୬ଟି ମାଈ ହାତୀ ଥିବା ଜଣାପଡ଼ିଛି । ହାତୀପଲ ଫସଲ ଉଜାଡ଼ି ଦେଇଥିବା ବେଳେ କ୍ଷତିପୂରଣ ଦାବି କରିଛନ୍ତି ଚାଷୀ ।