ଥମୁନି ହାତୀ ଉପଦ୍ରବ, ପୁଣି ଜନବସତି ମୁହାଁ ଗଜରାଜ

ନୀଳଗିରି: ଥମୁନି ହାତୀ ଉପଦ୍ରବ କି ମିଳୁନି ଲୋକଙ୍କୁ ଆଶ୍ୱସ୍ତି । ପୁଣି ଜନବସତି ମୁହାଁ ଗଜରାଜ । ବନ ବିଭାଗର ଅପାରଗତାକୁ ନେଇ ଗାଁରେ ଉତ୍ତେଜନା । ନୀଳଗିରି କୁଳଡ଼ିହା ବନ ବିଭାଗ ଅଧିନ ଜୁଣିଆ ଗାଁରେ ପୁଣି ହାତୀ ଉପଦ୍ରବ । ଗାଁର ଭୀମସେନ ଦାସଙ୍କ ଘର ଭାଙ୍ଗିବା ସହ କାନ୍ଥ ପଡ଼ି ନାବାଳିକା ଝିଅ ଆହତ ହୋଇଥିବା ବେଳେ ଅଳ୍ପକେ ବର୍ତ୍ତିଲେ ଜେଜେମା । କିଛି ଦିନ ତଳେ ଜଙ୍ଗଲରେ ଦୁଇଟି ହାତୀର ଗଳିତ ମୃତଦେହ ଠାବ ହୋଇଥିଲା । ପରେ ଗାଁରେ ବାରମ୍ବାର ହାତୀ ଉପଦ୍ରବ ରଚି ଚାଲିଛି ।

ଗତ ରାତିରେ ବି ଗାଁରେ ଏକ ମାଈ ହାତୀ ପଶି ଉପଦ୍ରବ ରଚିଥିବା ଦେଖାଯାଇଛି । ଏଭଳି ସ୍ଥଳେ ବନ ବିଭାଗ ହାତୀଙ୍କୁ ସୁରକ୍ଷା ଦେବାରେ ଅସମର୍ଥ ହେବା ସହ ଅଭୟାରଣ୍ୟରେ ହାତୀଙ୍କ ପାଇଁ ପ୍ରତିକୂଳ ପରିବେଶ ଯୋଗାଇବାରେ ଅକ୍ଷମ ହୋଇଛି । ଫଳରେ ହାତୀ ବାରମ୍ବାର ଜନବସତି ମୁହାଁ ହେଉଥିବାରୁ ଗାଁରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି ।