ଖୋର୍ଦ୍ଧାରେ ପୁଣି ହାତୀ ଆତଙ୍କ, ଜଣେ ମୃତ ଓ ଦୁଇ ଗୁରୁତର

ଖୋର୍ଦ୍ଧା: କିଛି ଦିନ ବ୍ୟବଧାନ ପରେ ଖୋର୍ଦ୍ଧାରେ ପୁଣି ହାତୀ ଆତଙ୍କ। ହାତୀ ଆକ୍ରମଣରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତର ହୋଇଛନ୍ତି। ଆଜି ଭୋରରୁ ଖୋର୍ଦ୍ଧା ରେଞ୍ଜ ପାନବରଜ ଗାଁରେ ଫୁଲ ତୋଲୁଥିବା ସମୟର ହାତୀ ହାବୁଡ଼ରେ ପଡ଼ିଥିଲେ କିରଣବାଳା ମାନଧାତା। ହାତୀ ତାଙ୍କୁ ଦଳି ମାରି ଦେଇଥିବା ବେଳେ ଅନ୍ୟଜଣେ ହାତୀ ଆକ୍ରମଣରେ ଗୁରୁତର ହୋଇଛନ୍ତି ।

ସେପଟେ ଟାଙ୍ଗିଆପଡାର ବିକ୍ରମ ସାମନ୍ତରାୟ ଛକରେ ଠିଆ ହୋଇଥିବା ବେଳେ ହାତୀ ଆକ୍ରମଣରେ ଗୁରୁତର ହୋଇ ଖୋର୍ଦ୍ଧା ମେଡିକାଲରେ ଭର୍ତ୍ତି ହୋଇଛନ୍ତି। ଖବର ପାଇ ବନ ବିଭାଗ, ପୋଲିସ ଘଟଣା ସ୍ଥଳରେ ପହଞ୍ଚି ହାତୀକୁ ଘଉଡ଼ାଇବା ଆରମ୍ଭ କରିଛି ।