ବଢ଼ିବାରେ ଲାଗିଛି ହାତୀ ଆତଙ୍କ, ଶୌଚ ପାଇଁ ଯିବା ବେଳେ କଚାଡ଼ି ମାରିଦେଲା
ହିନ୍ଦୋଳ: ଢ଼େଙ୍କାନାଳ ହିନ୍ଦୋଳରେ ହାତୀ ଆତଙ୍କ। ବଢ଼ିବାରେ ଲାଗିଛି ହାତୀ ମାନଙ୍କର ଆତଙ୍କ। ଶୀତ ଦିନ କାରଣରୁ ଖରା ଖାଇବା ପାଇଁ ଜଙ୍ଗଲରୁ ହାତୀ ବାହାରକୁ ଚାଲି ଆସୁଛନ୍ତି। ବିଲରେ ଧାନ ଅମଳ ସମୟ ହୋଇଥିବାରୁ ଧାନ ଖାଇବା ପାଇଁ ମଧ୍ୟ ହାତୀ ମାନେ ଜଙ୍ଗଲ ବାହାରକୁ ଆସୁଛନ୍ତି। ଯେଉଁଥି ପାଇଁ ସବୁବେଳେ ଲୋକେ ଭୟଭିତ ଅବସ୍ଥାରେ ରହୁଛନ୍ତି। ହାତୀ ଆକ୍ରମଣ କରିବାରୁ ଜଣେ ଶ୍ରମିକଙ୍କ ମୃତ୍ୟୁ ହୋଇଛି।
ମୃତକ ହେଲେ ବାବନ୍ଧ ସେକ୍ସନ ଗଞ୍ଜରା ଗାଁର ନିରଞ୍ଜନ ସାହୁ। ଘର ବାହାରକୁ ଶୌଚ ପାଇଁ ଯିବା ବେଳେ ନିରଞ୍ଜନଙ୍କୁ ଦଳି ଦେଇଥିଲା ଦନ୍ତା। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି। ଖବର ପାଇ ବନ ବିଭାଗ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
