ଜଙ୍ଗଲ ଛାଡ଼ି କଙ୍କ୍ରିଟ ରାସ୍ତା ମୁହାଁ ଗଜରାଜ, ଫସଲ ନଷ୍ଟ କରୁଛନ୍ତି ରାସ୍ତ ଜଗୁଛନ୍ତି

ଆଠଗଡ଼: ଜଙ୍ଗଲ ଛାଡ଼ି କଙ୍କ୍ରିଟ ରାସ୍ତା ମୁହାଁ ଗଜରାଜ । ଆଠଗଡ଼ ବନଖଣ୍ଡ ଖୁଣ୍ଟୁଣି ରେଞ୍ଜର ସୁନିଆ ମୁହଁ ରିଜର୍ଭ ଫରେଷ୍ଟ ୫୫ନମ୍ବର ଜାତୀୟ ରାଜପଥ ଉପରେ ହାତୀ ପଲ୍ଲ । ହାତୀ ପଲ ରାସ୍ତା ପାର ହେଉଥିବାର ଦୃଶ୍ୟ ଦେଖିବାକୁ ମିଳିଛି । ଅନେକ ସମୟରେ ଏହି ହାତୀ ପଲ ରାସ୍ତା ଉପରେ ଚଳପ୍ରଚଳ କରିବାରୁ ୫୫ ନମ୍ବର ଜାତୀୟ ରାଜପଥ ଯାତାୟତ ସମୟରେ ଲୋକମାନେ ନାହିଁନଥିବା ସମସ୍ୟାରେ ସମ୍ମୁଖିନ ହେଉଥିବା ଦେଖିବାକୁ ମିଳିଛି ।

ଏଭଳି ଘଟଣା ଆଠଗଡ଼ ବାସିନ୍ଦାଙ୍କ ପାଇଁ ନୂଆ ନୁହେଁ । ଏହା ହେଉଛି ନିତିଦିନିଆ ଘଟଣା । ଅଧିକାଂଶ ସମୟରେ ରାସ୍ତା ଉପରେ ଅଟକି ରହୁଛନ୍ତି ହାତୀ ପଲ । ଯେଉଁଥିପାଇଁ ପ୍ରତ୍ୟେକ ସମୟରେ ଲୋକେ ହଇରାଣ ହେବା ସହ ଭୟରେ ରହୁଛନ୍ତି । ହାତୀ ପାଖ ଜଙ୍ଗଲରୁ ବାହାରି ଫସଲ ନଷ୍ଟ କରିବା ସହ ଘର ଭାଙ୍ଗୁଛନ୍ତି । ସେପଟେ ଫରେଷ୍ଟ ଅଧିକାରୀଙ୍କ ପାଖରେ ଅଧିକ ଅଧିକାରୀ ନଥିବାରୁ ଠିକ ସମୟରେ ହାତୀ ଘଉଡ଼ାଇବା ପାଇଁ ପହଞ୍ଚିପାରୁନାହାନ୍ତି ବୋଲି ସଫେଇ ଦେଇଛନ୍ତି ।