ପିପିଲିରେ ୪ଜଣଙ୍କୁ ହତ୍ୟା କରି ଭୁବନେଶ୍ୱର ମୁହାଁ ହୋଇଥିଲା ଦନ୍ତା
ଭୁବନେଶ୍ୱର: ଟଳିଲା ବିପଦ । ନରହନ୍ତା ଦନ୍ତାକୁ ଭୁବନେଶ୍ୱର ପାତ୍ରପଡ଼ାରୁ ଚନ୍ଦକା ଜଙ୍ଗଲ ଭିତରକୁ ଘଉଡିବାରେ ସଫଳ ହୋଇଛି ବନ ବିଭାଗ । ଦନ୍ତାଟି ପିପିଲିରେ ୪ଜଣଙ୍କୁ ହତ୍ୟା କରି ଭୁବନେଶ୍ୱର ମୁହାଁ ହୋଇଥିଲା । ହାତୀକୁ ନେଇ ସମ୍ପୃକ୍ତ ଅଞ୍ଚଳରେ ଆତଙ୍କ ଦେଖା ଦେଇଥିଲା। ଦିନତମାମ୍ ବିଦ୍ୟୁତ୍ ସଂଯୋଗ ବିଚ୍ଛିନ୍ନ କରାଯାଇଥିଲା ।
ମିଶନ୍ ଗଜରାଜରେ ପ୍ରାୟ ୩ଟି ଡିଭିଜନ୍ର ୧୦ରୁ ଅଧିକ ଅଫିସରଙ୍କ ସମେତ ୬୦ଜଣ ବନ କର୍ମଚାରୀଙ୍କୁ ନିୟୋଜିତ କରାଯାଇଥିଲା। ପୋଲିସର ସହାୟତା ମଧ୍ୟ ଲୋଡା ଯାଇଥିଲା । ଗତକାଲି ସନ୍ଧ୍ୟା । ପୂର୍ବରୁ ହାତୀଟି ଜଙ୍ଗଲ ଅଭିମୁଖେ ବାହାରିବାରୁ ତାକୁ ଘଉଡାଇବାରେ ସଫଳ ହୋଇଥିଲା ବନବିଭାଗ । ହାତୀକୁ ଘଉଡା ଯାଇଥିଲେ ମଧ୍ୟ ତାର ଗତିବିଧି ଉପରେ ତୀକ୍ଷଣ୍ ନଜର ରଖାଯାଇଥିବା କହିଛନ୍ତି ବନ ବିଭାଗ ଅଧିକାରୀ ।
