ରାତି ହେଲେ ଗାଁ ମୁହାଁ ହେଉଛନ୍ତି ହାତୀ ପଲ୍ଲ, ଘର ଭାଙ୍ଗିବା ସହ ଧାନ ଚାଉଳ ନଷ୍ଟ କରୁଛନ୍ତି

କଳାହାଣ୍ଡି: ଲାଞ୍ଜିଗଡ ଦୁର୍ଗମ ଅଞ୍ଚଳରେ ମାତିଛନ୍ତି ଗଜରାଜ। ବିଭିନ୍ନ ପଞ୍ଚାୟତରେ ହାତୀପଲ୍ଲ ଉତ୍ପାତ କରିବା ସହ ଘରଦ୍ଵାର ଭଙ୍ଗାରୁଜା କରିଛନ୍ତି । କୁମାଖାଲ ପଞ୍ଚାୟତର ବିଭିନ୍ନ ଜଙ୍ଗଲରେ ରହି ରାତି ହେଲେ ଗାଁ ମୁହାଁ ହେଉଛନ୍ତି ।

ଗୁରୁବାର ରାତିରେ ହାତୀମାନେ କୁମାଖାଲ ପଞ୍ଚାୟତର ପୁନିଗୁଡା ପାଲଖନରେ ଥିବା ଡୁଦୁ ମାଝୀଙ୍କ ଘରେ ଆତଙ୍କ ଖେଳାଇଥିଲେ । ୧୦ ରୁ ଅଧିକ ହାତୀପଲ୍ଲ ଡୁଦୁଙ୍କ ମାଟି ଘର ଭାଙ୍ଗିବା ସହ ଘରେ ଥିବା ଧାନ, ଚାଉଳ, ମାଣ୍ଡିଆ କୋଳଥ ସହ ଘରେ ଥିବା ବିଭିନ୍ନ ସାମଗ୍ରୀକୁ ନଷ୍ଟ କରିଥିଲେ । ଫଳରେ ଜୀବନ ବିକଳରେ ଡୁଦୁର ସ୍ତ୍ରୀ ଓ ପିଲା କୁମ୍ଭାରପଡାରେ ଆଶ୍ରୟ ନେଇଛନ୍ତି ।