ଚନ୍ଦକା ଡମପଡ଼ା ଅଭୟାରଣ୍ୟରେ ଆଖି ବୁଜିଲା ହାତୀ ନନ୍ଦ, ବ୍ୟବଚ୍ଛେଦ ପରେ ସ୍ପଷ୍ଟ ହେବ କାରଣ

ଭୁବନେଶ୍ୱର: ଭୁବନେଶ୍ୱର ଉପକଣ୍ଠ ଚନ୍ଦକା ଡମପଡ଼ା ଅଭୟାରଣ୍ୟରେ କୁମକି ହାତୀ ନନ୍ଦର ମୃତ୍ୟୁ । ନୂତନ ଭାବେ ତିଆରି ହୋଇଥିବା ହାତୀ ରେସକ୍ୟୁ ସେଣ୍ଟରକୁ ନନ୍ଦକୁ ନେବା ପାଇଁ ଶନିବାର ଦିନ ବନ ବିଭାଗ ପକ୍ଷରୁ ଟ୍ରାଙ୍କୁଲାଇଜ୍ କରାଯାଇଥିଲା । ଏହାପରେ ବେହୋସ ହୋଇପଡ଼ିଥିଲା ହାତୀ ନନ୍ଦ । ଚେତା ନଫେରିବାରୁ ୩ ଜଣିଆ ପ୍ରାଣୀ ଚିକିତ୍ସକଙ୍କ ଦ୍ୱାରା ନନ୍ଦର ଚିକିତ୍ସା କରାଯାଇଥିଲା । ହେଲେ ଆଜି ଭୋଟର ୩ଟାରେ ନନ୍ଦର ମୃତ୍ୟୁ ହୋଇଥିବା ଜଣାପଡ଼ିଛି । ଶବ ବ୍ୟବଚ୍ଛେଦ ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ବନ ବିଭାଗ ସୂଚନା ଦେଇଛି । ହିଂସ୍ର ଜନ୍ତୁଙ୍କୁ ସାବାଡ଼ କରିବା ପାଇଁ ୨୦୧୦ ମସିହାରେ ନନ୍ଦକୁ ନନ୍ଦନକାନନରୁ ଚନ୍ଦକା ଗୋଡ଼ିବାରିକୁ ଅଣାଯାଇ କୁମକି ପ୍ରଶିକ୍ଷଣ ଦିଆଯାଇଥିଲା ।