ବଲାଙ୍ଗୀର ଆଗଲପୁରରେ ଅଘଟଣ, ଚାଷୀକୁ ଦଳିଦେଲା ଦନ୍ତା

ବଲାଙ୍ଗୀର : ଜିଲ୍ଲାର ଆଗଲପୁର ବ୍ଲକ ଧଉରାଦଦାର ଗାଁରେ ଅଘଟଣ । ଧାନକ୍ଷେତ ଜଗିବାକୁ ଯାଇଥିବା ଚାଷୀକୁ ଗତକାଲି ବିଳମ୍ବିତ ରାତିରେ ଦଳିଦେଇଛି ଜଙ୍ଗଲୀ ହାତୀ । ମୃତ ଚାଷୀ ଜଣକ ହେଉଛନ୍ତି ଧଉରାଦଦାର ଗାଁର ଶ୍ରୀରାମ ବିଶ୍ୱାଳ ।

ବିଲରେ ଅମଳ ହୋଇ ପଡିଥିବା ଧାନକୁ ଗତକାଲି ରାତିରେ ଶ୍ରୀରାମ ଜଗିବାକୁ ଯାଇଥିଲେ । ତେବେ ବିଳମ୍ବିତ ରାତିରେ କ୍ଷେତରେ ଶୋଇଥିବା ସମୟରେ ଜଙ୍ଗଲି ହାତୀପଲ ହାବୁଡ଼ରେ ପଡିଯାଇଥିଲେ ଶ୍ରୀରାମ । ତାଙ୍କୁ ହାତୀ କଚାଡି ଅତି ଵିଭତ୍ସ ଭାବେ ଦଳିଦେଇଥିଲା । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ଏହାପରେ ଆଗଲପୁର ଫାଣ୍ଡି ପୋଲିସ ଓ ବନବିଭାଗ ପହଂଚି ଘଟଣାର ତଦନ୍ତ କରୁଛନ୍ତି । ଆଗଲପୁର ଅଂଚଳରେ ହାତୀ ଉପଦ୍ରବ ଥିବାରୁ ଶ୍ରୀରାମ ତାଙ୍କ କ୍ଷେତକୁ ଜଗିବାକୁ ଯାଇଥିବା ବେଳେ ସେହି ହାତୀଙ୍କ ଶିକାର ହୋଇଛନ୍ତି । ')}