ଟ୍ରେନ ଧକ୍କାରେ ଚାଲିଗଲା ଛୁଆହାତୀର ଜୀବନ

ରାଉରକେଲା: ଟ୍ରେନ ଧକ୍କାରେ ହାତୀଛୁଆର ମୃତ୍ୟୁ । ଟ୍ରେନ ଲାଇନ ପାର ହେଉଥିବାବେଳେ ଘଟିଲା ଅଘଟଣ, ଚାଲିଗଲା ଛୁଆହାତୀର ଜୀବନ। ରାଉରକେଲା ସହର ନିକଟବର୍ତ୍ତୀ ବନ୍ଧମୁଣ୍ଡା ଏ କେବିନ ନିକଟରେ ଗତ ରାତିରେ ଟ୍ରେନ ଧକ୍କାରେ ଗୋଟିଏ ଛୁଆ ହାତୀ ମୃତ୍ୟୁ ବରଣ କରିଥିବା ଅଭିଯୋଗ ହୋଇଛି। ୨୫ଟିକିଆ ହାତୀପଲ ଗତ ରାତିରେ ରେଳ ଲାଇନ ପାର ହେଉଥିବା ବେଳେ ମାଲବାହୀ ଟ୍ରେନ ଧକ୍କାରେ ଛୁଆ ହାତୀ ମୃତ୍ୟୁ ଵରଣ କରିଥିବା ଅଭିଯୋଗ ହୋଇଛି। ଛୁଆ ହାତୀର ମୃତ୍ୟୁ ହୋଇଥିବା ସୂଚନା ମିଳିବା ପରେ ରାଉରକେଲା ବନ ଵିଭାଗର ବରିଷ୍ଠ ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।

ରେଳ ଲାଇନ ନିକଟରେ ଛୁଆ ହାତୀର ମୃତଦେହ ରହିଥିବା ବେଳେ ଆଜି ଛୁଆ ହାତୀର ମୃତଦେହ ବ୍ୟବଛେଦ କରାଯିବ ବୋଲି ବନ ବିଭାଗ ପକ୍ଷରୁ ସୂଚନା ଦିଆଯାଇଛି। ଘଟଣାସ୍ଥଳରେ ଜଗି ରହିଛନ୍ତି ବନ ବିଭାଗ କର୍ମଚାରୀ ଓ ଅଧିକାରୀ। ଟ୍ରେନ ଧକ୍କାରେ ଛୁଆ ହାତୀର ମୃତ୍ୟୁ ହୋଇଥିବାରୁ ବନ ବିଭାଗ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବନ ବିଭାଗ ପକ୍ଷରୁ ସୂଚନା ଦିଆଯାଇଛି। ଆସନ୍ତା ଦିନରେ ଟ୍ରେନ ଦୁର୍ଘଟଣାରେ ଯେପରି ହାତୀ ମୃତ୍ୟୁବରଣ ନ କରିବେ ସେନେଇ ବନ ବିଭାଗ ପକ୍ଷରୁ ପଦକ୍ଷେପ ନିଆଯିଵ ବୋଲି ବନ ବିଭାଗ ପକ୍ଷରୁ ସୂଚନା ଦିଆଯାଇଛି।