ଭୁବନେଶ୍ବର ସାଲିଆ ସାହିରେ ଦନ୍ତା, ଘଣ୍ଟାଏ ଧରି ଖେଳାଇଲା ଆତଙ୍କ

ଭୁବନେଶ୍ବର: ଭୁବନେଶ୍ବର ସାଲିଆ ସାହିରେ ଦନ୍ତା ଆତଙ୍କ । ଘଣ୍ଟାଏ ଧରି ଆତଙ୍କ ଖେଳାଇଲା ହାତୀ । ପାଟ୍ରୋଲିଂ କରୁଥିବା ପିସିଆର୍ ହାତୀକୁ ଘଉଡ଼ାଇବାକୁ ଚେଷ୍ଟା କରିଥିଲେ ମଧ୍ୟ ସକ୍ଷମ ନହେବାରୁ ଆଉ ଗୋଟିଏ ପିସିଆର୍ ନିୟୋଜିତ ହୋଇଥିଲା।

ହାତୀଟି ସାଲିଆ ସାହି ମଧ୍ୟରେ ଅନେକ ସମୟ ଧରି ଉତ୍ପାତ କରିବା ପରେ ଅଧଘଣ୍ଟା ପରେ ବନ କର୍ମଚାରୀ ପହଞ୍ଚି ହାତୀକୁ ଘଉଡ଼ାଇବା ପାଇଁ ବାଣ ଏବଂ ସାଇରନ୍ ବ୍ୟବହାର କରିଥିଲେ। ପରେ ନିକଟସ୍ଥ ହାତିଆଶୁଣି ମନ୍ଦିର ପାଖରେ ଥିବା ପାଚେରୀ ଡେଇଁ ଭରତପୁର ଜଙ୍ଗଲ ମଧ୍ୟକୁ ପଳାଇଥିଲା। ତେବେ ପାଚେରୀ ଭାଙ୍ଗି ଯାଇଥିବାରୁ ଖାଦ୍ୟ ଅନ୍ୱେଷଣରେ ଅଂଚଳରେ ଦୁଇଟି ହାତୀ ସବୁବେଳେ ରାତିରେ ଆସି ବୁଲାବୁଲି କରୁଛନ୍ତି ବୋଲି କହିଛନ୍ତି ସ୍ଥାନୀୟ ଲୋକେ ।