ଟାଙ୍ଗୀ ରେଞ୍ଜରେ ଉତ୍ପାତ କରୁଛନ୍ତି ୧୭ଟିକିଆ ହାତୀ ପଲ

ଖୋର୍ଦ୍ଧା: ଖୋର୍ଦ୍ଧା ବନଖଣ୍ଡ ଟାଙ୍ଗୀ ରେଞ୍ଜରେ ଉତ୍ପାତ କରୁଛନ୍ତି ୧୭ଟିକିଆ ହାତୀ ପଲ । ହାତୀ ପଲରେ ୭ ଛୁଆ ହାତୀଓ ୫ଟି ଦନ୍ତା ଓ ୫ ମାଇ ହାତୀ ଥିବା ସୂଚନା । ରାତି ହେଲେ ଖାଦ୍ୟ ଲୋଭରେ ଗାଁ ମୁହାଁ ହେଉଛନ୍ତି ଜଙ୍ଗଲୀ ହାତୀ । ଘରଦ୍ବାର ଭାଙ୍ଗିବା ସହ ବ୍ୟାପକ ଧାନ ଫସଲ ନଷ୍ଟ କରୁଛନ୍ତି । ହାତୀପଲଙ୍କୁ ଦେଖି ଆତଙ୍କିତ ସ୍ଥାନୀୟ ଲୋକ ।

ବନବିଭାଗ ଆବଶ୍ୟକ ପଦକ୍ଷେପ ନେଉନଥିବାରୁ ଉତ୍ତ୍ୟକ୍ତ ଗ୍ରାମଵାସୀ ୩ଜଣ ବନ କର୍ମଚାରୀଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି। ଆହତ ବନବିଭାଗ କର୍ମଚାରୀ ଟାଙ୍ଗୀ ମେଡିକାଲରେ ଚିକିତ୍ସିତ ହେଉଥିବା ଜଣାପଡିଛି। ତେଣୁ ବିଭାଗୀୟ ଉଚ୍ଚ ଅଧିକାରୀ ଏଥିପ୍ରତି ବିଶେଷ ଦ୍ରୁଷ୍ଟି ଦେବାକୁ ସାଧାରଣରେ ଦାବି ହେଉଛି।