ବିଦ୍ୟୁତ ଆଘାତରେ ପୁଣି ଏକ ଦନ୍ତାର ମୃତ୍ୟୁ

ଟାଙ୍ଗୀ: ପୁଣି ଏକ ଦନ୍ତାର ମୃତ୍ୟୁ । ବିଦ୍ୟୁତ୍ ଆଘାତରେ ହାତୀର ମୃତ୍ୟୁ ହୋଇଥିବା ସୂଚନା ମିଳିଛି । ଘଟଣା ଘଟିଛି  ଖୋର୍ଦ୍ଧା ବନଖଣ୍ଡ ଟାଙ୍ଗୀ ରେଞ୍ଜ ଜଙ୍କିଆ ଗୋଳବାଇ ଗାଁ ନିକଟରେ । ଏହି ଘଟଣା ଗତକାଲି ବିଳମ୍ବିତ ରାତିର ଘଟିଛି । ସୂଚନା ଅନୁସାରେ ୨ଟି ଦନ୍ତା ଖାଦ୍ୟ ଲୋଭରେ ହୋଇଥିଲେ ଗାଁ ମୁହାଁ । ଜଙ୍କିଆ ନିକଟସ୍ଥ ଗୋଳବାଇ ଗାଁରେ ଲୋକଙ୍କ ବାଡ଼ି ବଗିଚାରେ ହାତୀ ବ୍ୟାପକ କ୍ଷୟକ୍ଷତି କରିଥିଲେ । ଲୋକେ ହୋ ହଲ୍ଲା କରିବାରୁ ଜଙ୍ଗଲ ଭିତରକୁ ପଳାଇ ଯାଇଥିଲେ ହାତୀ । ଜଙ୍ଗଲକୁ ଯିବା ବେଳେ ଗୋଟେ ହାତୀ ବିଦ୍ୟୁତ୍ ଟ୍ରାନ୍ସଫରମର ସଂସ୍ପର୍ଶରେ ଆସି ମୃତ୍ୟୁ ହୋଇଥିବା ସୂଚନା ମିଳିଛି । ତେବେ ଅନ୍ୟ ଏକ ଦନ୍ତା ହାତୀ ମୃତଦେହ ପାଖରେ ଠିଆ ହୋଇଥିଲେ । ଖବର ପାଇ ବନ କର୍ମଚାରୀମାନେ ପହଂଚି ହାତୀକୁ ଘଉଡ଼ାଇବା ପରେ କ୍ରେନ୍ ସାହାର୍ଯ୍ୟରେ ମୃତହାତୀକୁ ଉଦ୍ଧାର କରିଛନ୍ତି । ମୃତ ଦନ୍ତା ହାତୀର ବୟସ ୪୦ରୁ ୫୦ ବର୍ଷ ହେବ ।