ଗାଁରେ ପଶିଲେ ୧୩ ଟିକିଆ ହାତୀ ପଲ

କଣ୍ଟାବାଞ୍ଜି: ମୁରିବାହଲ ରେଞ୍ଜ ବାରବନ୍ଧ ଗାଁରେ ହାତୀ ଉପଦ୍ରବ । ବିଳମ୍ବିତ ରାତିରେ ୧୩ ଟିକିଆ ହାତୀପଲ ବାରବନ୍ଧ ଗାଁରେ ପଶି ବ୍ୟାପକ କ୍ଷୟକ୍ଷତି କରିଛନ୍ତି । ଗାଁର ଚାଷୀ ସୁମନ ନାଏକଙ୍କ ଘର ଭାଙ୍ଗିଛନ୍ତି । ଏହାସହ ପନିପରିବା ଓ ଧାନ ଚାଷକୁ ଦଳି ନଷ୍ଟ କରିଛନ୍ତି । ଚାଷ ଜମି ନଷ୍ଟ କରିବା ପରେ ପାଖରେ ଚାଷୀ ତିଆରି କରିଥିବା ଖଳାରେ ଅମଳ କରି ରଖା ଯାଇଥିବା ୨୨ ବସ୍ତା ଧାନକୁ ମଧ୍ୟ ଏହି ହାତୀପଲ ଖାଇ ଦେଇଛନ୍ତି ।

ଚାଷୀଙ୍କ ଜମିରେ ଲାଗିଥିବା ସୋଲାର ପ୍ଲେଟ୍ ଭାଙ୍ଗିଦେଇ ନଳକୂପକୁ ମଧ୍ୟ ଓପାଡ଼ି ଦେଇଛନ୍ତି । ଏହାକୁ ନେଇ ମୁରିବାହଲ ରେଞ୍ଜର ବନ କର୍ମଚାରୀ ହାତୀକୁ ଘଉଡ଼ାଇଥିଲେ । ହାତୀପଲଟି ଜଙ୍ଗଲରେ ରହିଛନ୍ତି । ତେବେ ରାତି ହେଲେ ସେମାନେ ପୁଣି ଗାଁକୁ ଆସିବାର ଭୟ ରହିଛି ।