ଟ୍ରାକ୍ ପାର ବେଳେ ଟ୍ରେନ ଧକ୍କାରେ ହାତୀ ମୃତ

ଅନୁଗୁଳ: ଟ୍ରେନ ଧକ୍କାରେ ହାତୀ ମୃତ । ଅନୁଗୁଳ- ସମ୍ବଲପୁର ରେଳ ଲାଇନ ଜରପଡା ଗାଁ ନିକଟରେ ଟ୍ରେନ ଧକ୍କାରେ ଏକ ଦନ୍ତାର ମୃତ୍ୟୁ ହୋଇଛି । ରେଳ ଲାଇନ ପାର ହେବା ସମୟରେ ହାତୀଟିକୁ ଧକ୍କା ଦେଇଥିଲା ଶାଲିମାର ଏକ୍ସପ୍ରେସ । ଦୁର୍ଘଟଣା ପରେ ୧୦୦ମିଟର ଦୂରରେ ଛିଟକି ପଡ଼ିଥିଲା ହାତୀ ।

ବିଭିନ୍ନ ସ୍ଥାନରେ ହାତୀ ଶରୀରର ଖଣ୍ଡ ବିଖଣ୍ଡିତ ଅଂଶ ପଡିରହିଛି । ସ୍ଥାନୀୟ ଲୋକ ରକ୍ତାକ୍ତ ହାତୀକୁ ଦେଖି ବନ ବିଭାଗକୁ ଖବର ଦେଇଥିଲେ । ବନ ବିଭାଗ ଓ ରେଳ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି ହାତୀର ମୃତଦେହକୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛନ୍ତି ।