ସମ୍ବଲପୁରରେ ହାତୀ ମୃତ୍ୟୁ ଘଟଣା, ୩ଜଣଙ୍କୁ କୋର୍ଟ ଚାଲାଣ

ସମ୍ବଲପୁର: ସମ୍ବଲପୁର ଜିଲ୍ଲା ବାମରା ବନଖଣ୍ଡ ବଡରମା ରେଂଜ ତିଲେଇମାଲ ପତ୍ରାଜଙ୍ଗଳରେ ଦୁଇ ହାତୀ ମୃତ୍ୟୁ ଘଟଣାରେ ବନବିଭାଗ ୩ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗତ ୬ ତାରିଖରେ ତିଲେଇମାଲ ଗ୍ରାମ୍ୟ ପତ୍ରାଜଙ୍ଗଳରେ ଗୋଟିଏ ମାଈ ଓ ଗୋଟିଏ ଦନ୍ତା ହାତୀର ମୃତ୍ୟୁ ହୋଇଥିଲା।

ବାମରା ବନଖଣ୍ଡ ପକ୍ଷରୁ ତଦନ୍ତ ଚାଲିଥିବା ବେଳେ, ଭୁବନେଶ୍ୱରରୁ ଜଏଣ୍ଟ ଟାକ୍ସଫୋର୍ସ କମିଟିର ୪ଜଣିଆ ଦଳ ମଧ୍ୟ ତଦନ୍ତ କରିଥିଲେ। ତିଲେଇମାଲର ୩ଜଣ ବୁଦ୍ଦ ବଲୁଆ, କାଜଳ ମାଝୀ ଓ ବୀର୍ସା ଭଗତ ପ୍ରମୁଖଙ୍କୁ ବନବିଭାଗ ଗିରଫ କରିଛି। ଫସଲରେ କୀଟନାଶକ ପ୍ରୟୋଗ ପରେ ହାତୀ ଖାଇଥିବା ଏବଂ ବିଦ୍ୟୁତ ଜନିତ ଆଘାତ ହୋଇଥିବା କୁହାଯାଉଥିବା ବେଳେ ବନବିଭାଗ ଅଧିକାରୀଙ୍କ ପ୍ରତିକ୍ରିୟା ମିଳିପାରି ନାହିଁ।