ଫସଲ ନଷ୍ଟ କରିବାରୁ ନରସିଂହପୁରରେ ଦନ୍ତାକୁ ଗୁଳି କରିଥିଲେ ଶିକାରୀ

କଟକ: ବଡ଼ମ୍ବା ନରସିଂହପୁରରେ ଗୁଳିବିଦ୍ଧ ହାତୀର ମୃତ୍ୟୁ ଘଟଣା । ୩ ଜଣଙ୍କୁ ଗିରଫ କରିବା ସହ ତାଙ୍କ ପାଖରୁ ଏକ ଦେଶୀ ବନ୍ଧୁକ ଜବତ କରି କୋର୍ଟ ଚାଲାଣ କରିଛି ବନ ବିଭାଗର ସ୍ବତନ୍ତ୍ର ଟିମ୍ । ଗିରଫ ହୋଇଥିବା ଶିକାରୀ ମାନେ ହେଲେ ନରସିଂହପୁର ଥାନା ଅଂଚଳର ସୂର୍ଯ୍ୟମଣି ନାୟକ , ଗଙ୍ଗାଧର ନାୟକ ଏବଂ ଦିବାକର ସାହୁ । ହାତୀ କାଜୁ ବଗିଚା ନଷ୍ଟ କରିଥିବାରୁ ତାକୁ ତିନି ଅଭିଯୁକ୍ତ ଗୁଳି କରିଥିବା ପ୍ରାଥମିକ ତଦନ୍ତରୁ ଜଣାପଡିଥିବା କହିଛି ବନ ବିଭାଗ ।

ଆଠଗଡ଼ ଜଙ୍ଗଲରେ ଏକ ଗୁଳିବିଦ୍ଧ ହାତୀକୁ ଠାବ କରାଯାଇଥିଲା  । ଯେଉଁ ଦନ୍ତା ହାତୀ ଦେହରେ ଏକାଧିକ ଗୁଳି ବାଜିଥିବା ଜଣା ପଡିଥିଲା  । ହାତୀଟି ଆହତ ରହିଥିବା ବେଳେ ଦୀର୍ଘଦିନ ଧରି ଚିକିତ୍ସା ଜାରି ରହିଥିଲା  । ppcf  ମଧ୍ୟ ଘଟଣାସ୍ଥଲକୁ ଯିବା ସହ ସମସ୍ତ ପ୍ରକାର ପାରିପାର୍ଶ୍ୱିକ ଘଟଣାକୁ ଅନୁଧ୍ୟାନ କରିଥିଲେ  । ସେପଟେ ଟିକିତ୍ସିତ ଅବସ୍ଥାରେ ଆଖି ବୁଝିଥିଲା ହାତୀ  ।