ମୟୂରଭଂଜ: ହାତୀର ଦଶାହ ପାଳନ କଲେ ଗ୍ରାମବାସୀ । ମୟୂରଭଂଜ ଜିଲ୍ଲା କରଞ୍ଜିଆ ଉପଖଣ୍ଡ ରରୁଆଁ ବ୍ଲକ୍ ଯlମୁନ୍ତିରେ ଦେଖିବାକୁ ମିଳିଛି ଏଭଳି ଘଟଣା। ଗତ କିଛି ଦିନ ପୂର୍ବରୁ କରଞ୍ଜିଆ ବନଖଣ୍ଡରେ ରହୁଥିଲେ ୨୩ ଟିକିଆ ହାତୀ ପଲ। ହାତୀ ପଲ ଝାଡ଼ଖଣ୍ଡ ପଟକୁ ଯାଉଥିବା ବେଳେ ଯlମୁନ୍ତିରେ ୨ମାସର ଛୁଆ ହାତୀଟି ଅସୁସ୍ଥତା କାରଣରୁ ଗାଁମ ନିକଟ ପଡିଆରେ ପଡ଼ି ରହିଥିଲା।
ଅସୁସ୍ଥ ହାତୀ ଛୁଆକୁ ବନ ବିଭାଗ ଉଦ୍ଧାର କରି ଚିକିତ୍ସା ଆରମ୍ଭ କରିଥଲେ କିନ୍ତୁ ହାତୀ ଛୁଆଟିର ମୃତ ହୋଇଥିଲା। ହାତୀ ଛୁଆଟିର ମୃତ୍ୟୁ ଗ୍ରାମବାସୀଙ୍କୁ ବ୍ୟଥିତ କରିଥିଲା । ହାତୀ ଛୁଆର ବ୍ୟବଚ୍ଛେଦ ପରେ ବନ ବିଭାଗର ସହଯୋଗରେ ଗାଁ ନିକଟ ପଡିଆରେ ଅନ୍ତିମ ସଂସ୍କାର କରିଥିଲା। ଏବଂ ଠିକ୍ ଦଶଦିନ ବେଳକୁ ମଣିଷର ମୃତ୍ୟୁ ଘଟିଲେ ଯେମିତି କ୍ରିୟା କର୍ମ କରାଯାଏ ଠିକ୍ ସେହି ଭଳି ହାତୀ ଛୁଆ ପାଇଁ ଦଶାହ ପାଳନ କରିଛନ୍ତି ଗ୍ରାମବାସୀ।
ହାତୀ ଛୁଆର ସ୍ମୃତିରେ ସମାଧି ସ୍ଥାପନ କରିବା ସହିତ ଗାଁର ପୁରୁଷ ମାନେ ବାଳ ମଣ୍ଡନ କରି ରିତି ନୀତିରେ ସମାଧି ନିକଟରେ ମନ୍ତ୍ର ଧ୍ଵନୀରେ ପ୍ରକମ୍ପିତ ହୋଇଥିଲା ଏବଂ ଭୋଜି ଭାତର ଆୟୋଜନ ମଧ୍ୟ ହୋଇଥିଲା।
