ବାରିପଦାରେ ହନ୍ତସନ୍ତ କରୁଛି ହାତୀ, ଘରୁ ନ ବାହାରିବାକୁ ବନବିଭାଗ କଲା ସତର୍କ

ବାରିପଦା: ସହରରେ ହାତୀ ଆତଙ୍କ । ବାରିପଦାର ଏମକେସି ହାଇସ୍କୁଲ ପରିସରରେ ଗୋଟିଏ ଦନ୍ତା ହାତୀ ପ୍ରଵେଶ କରି ନାକେଦମ କଲାଣି  । ଉଭୟ ବନ ବିଭାଗ ଏବଂ ପୋଲିସ ପ୍ରଶାସନ ସେଠାରେ ପହଂଚି ହାତୀଟିକୁ ବାହାରକୁ ଆଣିବାକୁ ଉଦ୍ୟମ କରିଥିଲା । ସ୍କୁଲ କ୍ୟାମ୍ପସ ଭିତରେ ହଷ୍ଟେଲ ଛାତ୍ରମାନେ ଭୟଭୀତ ଅବସ୍ଥାରେ ଥିଲେ ।

ଏହି ଅଂଚଳରେ କୌଣସି ବ୍ୟକ୍ତିଙ୍କୁ ଘରୁ ନ ବାହାରିବା ପାଇଁ ବନବିଭାଗ ପକ୍ଷରୁ ନିବେଦନ କରାଯାଇଛି । ହାତୀ ସ୍କୁଲ କ୍ୟାମ୍ପସରୁ ବାହାରି ଵାରିପଦା ସହର ଭିତରେ ପଶୁଥିବା ବେଳେ ବନବିଭାଗ ବୁଢାବଳଙ୍ଗ ନଦୀ ଆଡ଼କୁ ହାତୀକୁ ଘଉଡାଇ ଦେଇଛି । ହାତୀକୁ ଶିମିଳିପାଳ ଜଙ୍ଗଲକୁ ଯିବା ରାସ୍ତାକୁ ନେବାକୁ ପ୍ରୟାସ କରାଯାଉଛି ।