ରାଜଧାନୀରେ ବୁଲୁଛି ନରହନ୍ତା ଦନ୍ତା ! ପିପିଲିରେ ହାତୀ ନେଇଛି ୪ ଜୀବନ
ଭୁବନେଶ୍ୱର: ପାତ୍ରପଡା ମେଡିସିନାଲ୍ ଗାର୍ଡେନ୍ରେ ହାତୀ ଠାବ ହୋଇଛି । ହାତୀକୁ ଚାରିପଟୁ ଘେରିଛନ୍ତି ଖୋର୍ଦ୍ଧା ଓ ଚନ୍ଦକା ବନ ବିଭାଗ କର୍ମଚାରୀ। ଟ୍ରାକିଂ ମାଧ୍ୟମରେ ହାତୀର ଅବସ୍ଥିତି ସଂପର୍କରେ ସୂଚନା ମିଳିଛି । ଏସମ୍ପର୍କରେ ଭୁବନେଶ୍ୱର ସିଟି ଡିଏଫଓ ସୂଚନା ଦେଇଛନ୍ତି । ଆଜି ଭୋରରୁ ହାତୀ ଆକ୍ରମଣରେ ଆଉ ଜଣେ ମହିଳା ଗୁରୁତର ହୋଇଛନ୍ତି । ତେବେ ପାତ୍ରପଡାରେ ଠାବ ହୋଇଥିବା ହାତୀ ପିପିଲର ନରହନ୍ତା ଦନ୍ତା କି ନୁହେଁ, ସେନେଇ ସ୍ପଷ୍ଟ ହୋଇନି ।
ଗତକାଲି ପିପିଲି ଅଞ୍ଚଳରେ ଆତଙ୍କ ଖେଳାଇଥିଲା ଦନ୍ତା । ହାତୀ ଆକ୍ରମଣରେ ୪ଜଣଙ୍କ ଜୀବନ ଯାଇଥିବା ବେଳେ ୬ଜଣ ଆହତ ହୋଇଛନ୍ତି। ରାତି ତମାମ ହାତୀକୁ ଖୋଜି ଖୋଜି ନାକେଦମ୍ ହୋଇଥିଲେ ବନ ବିଭାଗ କର୍ମଚାରୀ । ହାତୀଟି ଭୁବନେଶ୍ୱର ଉପକଣ୍ଠ ପାତ୍ରପଡାକୁ ଆସିଥିବା ସନ୍ଦେହ କରାଯାଉଛି ।
