ଜଙ୍ଗଲୀ ହାତୀଙ୍କ ଉପଦ୍ରବ, ଜନବସତି ମୁହାଁ ହାତୀ
A wild elephant gathers near a field in search of food at a village in Nagaon district, in the northeastern state of Assam, India on Dec 30,2022. (Photo by Anuwar Hazarika/NurPhoto via Getty Images)
ବାଲେଶ୍ୱର : ଦିନକୁ ଦିନ ହାତୀଙ୍କ ଉପଦ୍ରବ ବଢିଚାଲିଛି। ପୁଣି ଖାଦ୍ୟ ଅନ୍ବେଷଣରେ ଜନବସତି ମୁହାଁ କୁଳଡିଆ ହାତୀ। ଭୋର ସମୟରେ ଦେବଗିରି ପାହାଡ଼ ନିକଟ ଶୂନ୍ୟମଣ୍ଡପଠାରେ ଏକ ହାତୀ ଧାନ ଖାଇବା ପାଇଁ ଆସିଥିବା ଦେଖିବାକୁ ମିଳିଛି। ହାତୀକୁ ନେଇ ଚାଷୀଙ୍କ ମଧ୍ୟରେ ଆତଙ୍କ ଖେଳିଯାଇଛି। ସ୍ଥାନୀୟ ଅଞ୍ଚଳରେ ଧାନ ଅମଳ ଆରମ୍ଭ ହୋଇଥିବାବେଳେ ହାତୀ ଫସଲ ନଷ୍ଟ କରିବା ଚିନ୍ତା ବଢାଇଛି। ଧାନ ଖାଇବାକୁ ହାତୀମାନେ ଜଙ୍ଗଲ ଛାଡ଼ି ଗାଁ ମୁହାଁ ହେଉଛନ୍ତି। ବନ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି ହାତୀଙ୍କୁ ଘଉଡ଼ାଇବାକୁ ଉଦ୍ୟମ କରୁଛି।
ଅନ୍ୟପଟେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଛି। ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରେଞ୍ଜ ଅନ୍ତର୍ଗତ କଦମବାହାଲ ଗାଁରେ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଛି। ମୃତକ କଦମବାହାଲ ଗ୍ରାମର ୬୩ ବର୍ଷୀୟ ଚାରଓ୍ବା ଏକ୍କା। ରାତିରେ ଘର ନିକଟରେ ଶୌଚ ପାଇଁ ଯାଉଥିବା ବେଳେ ହାତୀ ଆକ୍ରମଣ କରିଥିଲା। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି। ମୃତଦେହକୁ ଉଦ୍ଧାର କରି ବନ ବିଭାଗ ଓ ପୋଲିସ ତଦନ୍ତ କରୁଛନ୍ତି।
