ଇନ୍ଦ୍ରାବତୀ ବହୁମୁଖୀ ପ୍ରକଳ୍ପରୁ ଆରମ୍ଭ ହେବ ବିଦ୍ୟୁତ ଯୋଗାଣ: ଶିଳ୍ପ ପ୍ରତିଷ୍ଠାର ସମ୍ଭାବନା
କଳାହାଣ୍ଡି: ପୂରଣ ହେବାକୁ ଯାଉଛି କଳାହାଣ୍ଡିର ଅନେକ ଦିନର ସ୍ୱପ୍ନ । ଇନ୍ଦ୍ରାବତୀ ବହୁମୁଖୀ ପ୍ରକଳ୍ପରୁ ଆରମ୍ଭ ହେବାକୁ ଯାଉଛି ବିଦ୍ୟୁତ ଯୋଗାଣ । ଏହା ଫଳରେ ଜିଲ୍ଲାରେ ବିଦ୍ୟୁତ ସମସ୍ୟା ଦୂର ହେବାସହ ଶିଳ୍ପ ପ୍ରତିଷ୍ଠାର ସମ୍ଭାବନା ସୃଷ୍ଟି କରିଛି । ପୂରଣ ହେବ କଳାହାଣ୍ଡି ଜିଲ୍ଲାର ସ୍ୱପ୍ନ । ଇନ୍ଦ୍ରାବତୀ ବହୁମୁଖୀ ପ୍ରକଳ୍ପରୁ ଆରମ୍ଭ ହେବ ବିଦ୍ୟୁତ ଯୋଗାଣ । ଜିଲ୍ଲାରେ ବିଦ୍ୟୁତ ଚାହିଦା ସହ ସୃଷ୍ଟି ହୋଇଛି ଶିଳ୍ପ ପ୍ରତିଷ୍ଠାର ସମ୍ଭାବନା ।
କଳାହାଣ୍ଡି ଜିଲ୍ଲାରେ ୧୯୯୬ ରେ ଲୋକାର୍ପିତ ହୋଇଥିଲା ଏସିଆର ଅନ୍ୟତମ ବହୁମୁଖୀ ଇନ୍ଦ୍ରାବତୀ ଜଳପ୍ରକଳ୍ପ । ଏହାଦ୍ବାରା ଜିଲ୍ଲାର ୨୫ ପ୍ରତିଶତ ଚାଷ ଜମିକୁ ଜଳ ଯୋଗାଣ ସହ ୬ଶହ ମେଗାଓ୍ୱାଟ୍ ବିଦ୍ୟୁତ ଉତ୍ପାଦନ ଲକ୍ଷ୍ୟ ରଖାଯାଇଥିଲା । ହେଲେ ଆଜି ପର୍ଯ୍ୟନ୍ତ ଜିଲ୍ଲାକୁ ଇନ୍ଦ୍ରାବତୀରୁ ସିଧାସଳଖ ବିଦ୍ୟୁତ ଯୋଗାଣ ହୋଇପାରିଲା ନାହିଁ । ଏବେ କିନ୍ତୁ ସେହି ଆଶା ପୂରଣ ହେବାକୁ ଯାଉଛି ।
ସିଧାସଳଖ ବିଦ୍ୟୁତ୍ ଯୋଗାଣ ହେଲେ ସାରା ଜିଲ୍ଲାବାସୀଙ୍କୁ ଏହାର ସୁଫଳ ମିଳିବ । ଏହାସହ ଜିଲ୍ଲାରେ ଶିଳ୍ପ ପ୍ରତିଷ୍ଠାର ସମ୍ଭାବନା ସୃଷ୍ଟି ହେବ । ମନ୍ତ୍ରୀଙ୍କ ଏହି ଘୋଷଣା ପରେ ଅଞ୍ଚଳରେ ନୂଆ ଆଶା ସଞ୍ଚାର ହୋଇଛି । ଏହାଦ୍ୱାର ଜିଲ୍ଲାର ଅର୍ଥନୈତିକ ଅଭିବୃଦ୍ଧି ସାଙ୍ଗକୁ ନୂତନ ରୋଜଗାର ପାଇଁ ନୂଆ ସୁଯୋଗ ସୃଷ୍ଟି ହେବ ବୋଲି ଆଶା କରାଯାଉଛି ।
